Niederrheinische Liederhandschrift von 1574

[fol. 7v]

[Froelich so wil ich singenn]

1. Froelich so wil ich singenn,
Froelich aůß freiem můedt
Jch hoff mir soll gelingenn,
Jch weis mir ein Edell blůedt
Ein zarte Frewelein fein
Jch diente ir alzeit gerne
Jch hoff es soll gelingenn
Sey erfreůdt mir mein hertz im leib.

2. Jch bin ir holt gewesen,
vůrwar ein lange zeitt
Vůr aller weltt vf erdenn,
Haed sey mir mein hertz erfrewdt,
Dweill ich sey gesehn hab,
Es lebt kein mensch vf erden
die mir so lieb kan werden,
die warheit eůch ich sagenn.

[fol. 8r]

 

 

 

3. Sei hat ein geel kraůß haer,

 

klar seindt ihr oůgelein

 

Sey scheinen hin und her

 

Nach dem Jongen hertzenn mein,

 

Dartzů einen roedenn můndt

 

Sey hatt zwey roeder ůvangenn

 

Damit hatt sey vmbfangen

 

All meines hertzenn grůndt.

 

 

 

4. Sei hat ein leib so schmale,

 

gleich einenn helmelein,

 

mocht ich sey in důchten findenn

 

Die hertzallerliebste mein

 

Sey ist aller důegtenn voll

 

Sey ist milt vnnd tůegentlich

 

Sey ist die soeůerlichste

 

Jr lachn das steht ir woll.