Niederrheinische Liederhandschrift von 1574(1574-1591)–Anoniem Niederrheinische Liederhandschrift von 1574– Auteursrechtvrij Vorige Volgende [pagina 25r] [p. 25r] [Jch haben die zeit woll ehr gesehenn] 1. Jch haben die zeit woll ehr gesehenn, War ist sey nhů gefahrenn Wir zwey wir wahrenn erfrewet sehre Doe wir bey einannder wahrenn Wir assenn vnnd wir drůnckenn, Wir machtenn ein gůet zier War ist sey nhů gefahrenn Das ich sey nicht en sehen. 2. O werde sůete lieffken Vnnd was magh eůch gebrechenn, Vnnd habt ihr ewr gerechtigheit nicht Von drinckenn vnnd aůch von essen, mein hertz wilt mir zerbrechenn ia Wannehr ich von eůch scheiden můes, mich důnckt ich sei důrchstechen Ein ander des es eůch thoedt. [Folio 25v] [fol. 25v] 3. Jch het wol důrffen sagenn Ja thaůsenndt Eide schwerenn Mein leiffen hett keinn annder lieff Jnn dorfferenn noch in stedenn Vůrzeitenn war ich lieff Nhů binn ich wordenn leidt Wie magh ihr monndt gesprechenn Das ihr hertzken nit en meindt. 4. O werde sutte liefken dis ist zů ewrer ehrenn Jr habt ein anderen vill lieber dann mich Jch will mich von eůch kehren vnnd alzeitt freůdt vermehrenn Vnnd kiesen ein ander lieff Ade mein Aůsserweltes lieb Gein ander des ir meindt. [Folio 26r] [fol. 26r] 5. Der vns dis new liedtlein sanngh Er hatt es gar woll gesůngenn Fraw Venůs mit ihrenn Fůrigenn Pfeill Sey en hatt dar nit ahn gewonnen Jch mocht weder essen noch drinckenn So sehr wardt ich geqůeltt Darůmb so will ich raedenn Das niemandts vf der liebe en sahe. Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij
