Niederrheinische Liederhandschrift von 1574(1574-1591)–Anoniem Niederrheinische Liederhandschrift von 1574– Auteursrechtvrij Vorige Volgende [Folio 26v] [fol. 26v] [Jch hatte ein stedig medickenn] 1. Jch hatte ein stedig medickenn Gein schoener die dar lebt Verkoren inn meinen schrinckenn Von raw mein hertzeken bebt Wannt sey mich nhůnn begift Darůmb mach ich woll schreibenn Vnnttraw von allen weiberenn Wanndt sey einenn annderenn hatt. 2. Zwei braůne aůgen traeget sey So freůndtlich angesicht Darmit so veriaget sey, drůck leidenn, vnd gewicht Es ist lange zůůor gedicht Noch langh zůůor geschriebenn das sey mich solt begebenn Want Frauenn wortt seint licht. [Folio 27r] [fol. 27r] 3. O sote werde liefkenn Denckt ihr nicht einns ahn mich Doet vrey al vngemache All sonnder Fantasey Gar selten bin ich bley Wannehr ich es oft drincke Ahn eůch das ich gedencke Denck ghi nit eins ahn mir. 4. Wie solt ich ewrer vergessenn Jch ligh inn schwarem verdriedt Jnn drinckenn vnnd aůch inn essen Kahnn ich gewarttenn nicht Jch weiss woll wie sey heist Die mich so hatt umbfangenn Nach ihr steidt all mein verlangen Jch lebe inn schwarem verdriet. [Folio 27v] [fol. 27v] 5. O suesse Venůs Frawe Jst das ewers dienaers loenn, Das endt vonn ewrer vnnntrauwenn So ist bgintzelt schoenn Des sterbenn ich dieses toidt Das ihr ein ander solt trauenn Die bloem boůen alle Frawenn Als vnnter des himmels throenn. 6. Ade mach ich wol schreibenn Ade ist mein beweis Betroegenn solt ick pleiben Als Salamon der weis Die schoenste vonn Parijß Apsalon die schoene Schoenen frawenn sthandt seij die kroene Dem geb ich den hoechsten preyß. [Folio 28r] [fol. 28r] 7. O bitterliches scheiden Warzu bistů gemacht Der toedth will mich verschlinden Der also bitter schmackt Es moes gescheidenn seinn Schoen lieff versthaenn mein tso sprechenn Jch val in des Jch bleib all aůs verdriet. Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij
