Niederrheinische Liederhandschrift von 1574

[fol. 41r]

[Ach trawren so mües ich tagh vnnd nacht]

1. Ach trawren so mües ich tagh vnnd nacht,
Vnnd traegenn groes verlangenn,
Nach einer die mir nichtt werdenn magh,
Sey hat mein hertz vmbfangenn,
mocht ich ihr dienen trewentlich
Jch sehe sey nit zů aller Zeit
Gott will ihr leib bewahrenn.

2. Nů wolte ich stedigh gernn bey ihr seinn,
Sey licht mir inn dem sinne,
Jch koeme in was Landt oder war das ich bin
Gein werck kahn ich beginnenn
Das hatt ihr klaerer schein gethoenn,
mocht ich sey in meinem Armen empfangen
Jch lies die kleffer fahrenn.

[fol. 41v]

 

3. Nhů můeß einn Kleffer Einn Kleffer seinn

 

Bey tagh vnnd aůch bey nachte,

 

Jch wůnsch der herzallerliebster meinn,

 

Vill taůsendt gůeter nacht,

 

noch wůnder so draeget sey manichfalt

 

Sey hatt mein hertz in ihrer gewaltt,

 

das moes ich mich verbleydenn.

 

 

 

4. Ach feines lieb halt dich stedigh zů mir,

 

Vnnd laes dich nicht betriegenn,

 

Ob dar ein falscher Kleffer qůem

 

Zů dir vnnd wůlte mich beliegenn,

 

So setze dein wort all vf einn ortt

 

Gedenck nicht an das Kleffers wortt

 

Laes mich der liebster pleibenn.