Niederrheinische Liederhandschrift von 1574

[fol. 44v]

[Hertzallerliebste Frewelein]

1. Hertzallerliebste Frewelein,
Zů dir fůhr ich mein klagh
Jch thůen dir kůndt mein schwaere pein,
die ich ietz zů dir traegh,
Darůmb das ich im leide
beneben deiner seiten,
Jetz zů diesen zeiten
mein lůst nicht boetzen magh.

2. Darůmb mein allerhoechste hort
Bedenck mein schwares leidt
Erzieg zů mir freůndtliche wort,
Jetz vnnd zů aller zeit
Mein hertz ist gantz dein eigenn,
dů kanst mir trost erzeigen
thůe dich zů mir kehren,
setz mich aůs leidt in freůdt.

[fol. 45r]

 

 

 

3. Kehr dich zu mir zart Frewlein fein,

 

vnnd beůdt mir deinen můndt,

 

vnnd schleůs mich in dein Armgen rein

 

So wirdt mein Hertz gesůndt

 

Nů drůck dů mich mit lůsten,

 

gantz freůndtlich an dein brůsten,

 

můcht ich daraůff rawen,

 

frewet sich meins Hertzen Jůngk.

 

 

 

4. Schoenes lieb ich hab dich aůsserkorenn

 

vůr alle dingk der welt,

 

Aůff erdenn ist gein lieber geboeren,

 

Die mir so woll gefeltt,

 

Sey hatt mein hertz vmbfangenn

 

noch ir thagh ich verlangen

 

Jr roete Roese wangen

 

gefalln mir bes dan geltt.

 

[fol. 45v]

 

 

 

5. Dieß liedlein hab ich gemacht,

 

der allerliebster mein,

 

wůnsch ir darmit vil gůeter nacht,

 

Als ich nicht bey ihr kan sein,

 

Nhů will sey Gott bewahren,

 

Vnd all sein Engelsche schaerenn,

 

Gefristen vnnd wol gespaerenn,

 

vůr alle klaegh vnd pein.