Niederrheinische Liederhandschrift von 1574

[fol. 58r]

[Drei gesellen Jnn einem weinhaůs saessenn]

1. Drei gesellen Jnn einem weinhaůs saessenn,
Es war nit gůet das sey sich vermaessen
Sey aessen vnnd drůnckenn, vnnd hattenn einen rath
Wer sich vf den abendt den schoensten boelen hat.

2. Es war sich einer darůndenn,
Der sich das vermessen woll kůnde,
Mir hatt vf den abenndt ein Medtlein zůgesagt,
Das ich bey ir solt schlaeffenn,
Die liebe lange nacht.

[fol. 58v]

 

3. Das medtlein war beyhende,

 

es hoert der redenn ein ende,

 

Der liebe Gott der gab dem medtlein in seinen sin,

 

Vnnd es ginck heimlich schlaeffenn,

 

Vnd lies sich niemandt in.

 

 

 

4. Der tag ginck zů dem ende

 

Der Reůter stůndt hinder den wenden,

 

Er klopfet also liese mit seinem ringelein,

 

Stehe vf dů wacker Medtlein

 

Vnnd laes mich Reůtter in.

 

[fol. 59r]

 

5. Vnnd ob ich nicht enschlieffe,

 

Vnnd ich inne liesse,

 

Dů solt mir ihrstenn sagenn,

 

Was nechten bey dem Wein gesagt

 

Jr thů bey mir solt schlaeffen

 

Die liebe liebe lange nacht.

 

 

 

6. Nechten war ich trůnckenn,

 

Doe redt ich ohn gedanckenn,

 

Vnnd was ich hab geredt,

 

Das dedt der koele wein,

 

sehe aůf dů wacker medtlein,

 

Vnd laes mich Růtter Jhnn.

 

[fol. 59v]

 

7. Jch wil dich nit inlaessenn,

 

Nů reith gůet Reutter deiner straessen,

 

Vnnd legh dein heůpt vf einenn groenenn schilt,

 

darůff so rest so manicher Jůnger stoeltzer heltt.

 

 

 

8. Wor solt ich nu hin reitenn,

 

Es schlaeffen alle die leůte

 

Es regendt vnnde schnehet,

 

soe groesser kalder windt,

 

Sthe vf dů wacker medelein

 

Vnnd laes mich reůter ihnn.

 

[fol. 60r]

 

9. Vn ob ich nicht en schlieffe,

 

Vnnd ich dan inne liesse,

 

So nemesthů dein Roesselein,

 

zwischen deine Spoerenn,

 

Vnnd lies mich Wacker medtlein

 

in schanden also stahenn.