Niederrheinische Liederhandschrift von 1574

[fol. 65r]

[Nü fal dů reiff dů kalter schne]

1. Nü fal dů reiff dů kalter schne
Fall mir vf meinen foes
Das medtlein ist nicht vber hůndert meilen,
vnnd das mir werdenn můes.
vnnd Das mir werden můes.

2. Jch kam fůr lieblein kemmerlein,
Jch meint ich wer allein,
Da kam die hertz allerliebste mein
Woll zů der thoer hinein,
Wol zů der thůer hinein.

[fol. 65v]

 

3. Gott gruesse dich mein Feines lieb,

 

Wie stehet vnnser beider sach

 

Jch sichs an deinen brůnnen aůgelein klar

 

Dů traegst groes vnngemach,

 

Dů tragst groes vnngemach.

 

 

 

4. Die sonne ist verblichenn,

 

Jst nimmer so klar als vor,

 

Es ist noch nichts ein halbes Jahr,

 

Dar ich dich ihrst lieb gewann,

 

Dar ich dich irst lieb gewan.

 

[fol. 66r]

 

 

 

5. Was sol mir den mein Feines lieb

 

Wann sey nicht dantzenn kahn

 

Fůhr ich sey zů dem tantze

 

Spot mein ein Jedermahn

 

Das sey nicht dantzen kahnn.

 

 

 

6. Wer mir wil helffen trawrenn,

 

Der recke zwehnn Finnger aůff,

 

Jch sehenn vill Finnger vnnd wenigh trawrenn,

 

Ade ich fahr darhin,

 

Das ich so Ellenndigh bin.