Niederrheinische Liederhandschrift von 1574

[fol. 69r]

[Wie schoen bloedt vns der Mey]

1. Wie schoen bloedt vns der Mey
Der Sommer fehrt darhin
Mir ist ein Feines Jůngfrewelein,
gefallenn in meinem sin
So oft ist meinem hertzenn woll
wen ich ahn sey gedencken,
Mein hertz ist frewden voll.

2. Wen ich des nachts will schlaffenn,
So koempt mir mein schoens lieb fůhr,
Vnnd wen ich dan erwache,
So finde ich nichts dar,
dan hebt sich ihrst ein groesse klagh,
wan ich von ihr můes scheidn,
Das macht mich alt vnnd grae.

[fol. 69v]

 

 

 

3. Zwei bloemlein aůff groener heyden,

 

Die heischen wolgemůedt,

 

lest vns der liebe Got wachsen,

 

sein vns vůr trawrenn gůtt

 

Vergis nit meiner steidt aůch darbey

 

Grůes mir sey Gott im hertzen,

 

Die mir die liebste sey.

 

 

 

4. Wolt Got ich ihr můcht wůnschen,

 

Zwoe Roesen vf einem zweigh,

 

Ach Gott můcht ich sey weckenn .

 

Mit meinem stoeltzen leib,

 

Das war meinem hertzenn ein groesse frewdt,

 

Doe mich hertzlieb nhů troesten,

 

Mit einem Freůntlichen wort.