Niederrheinische Liederhandschrift von 1574

[fol. 70v]

[Jch hort ein Frewlein klaegenn]

1. Jch hort ein Frewlein klaegenn,
Vůrwar ein weiblichs bilt,
Jr hertz wolt ihr vertzaegenn,
Noch einem Jůngelein,
Das frewelein sprach mit schmertzen
Es ligt mir in meinem hertzenn,
Der hertzallerliebster mein.

2. Der wechter an der Zinnen
Der vnns denn tagh herblies
Er blies ins horn mit schalle,
Jůngkfraw weckt ewren gesellenn,
Dan es ist an der Zeit.

[fol. 71r]

 

 

 

3. Ach Got wie solt ich in weckenn,

 

Denn hertzallerliebsten mein

 

Jch froecht er můgt erschrecken,

 

Sein hertz vnnd aůch das mein

 

Er ist meines hertzenn geselle

 

Er sey gleich wa er wolle

 

Der hertz allerliebster mein.