Niederrheinische Liederhandschrift von 1574

[fol. 71v]

[Jch hab groeß leidt vnnd vnngemach]

1. Jch hab groeß leidt vnnd vnngemach
Das klag ich Gott dem herren
Jch will nemen einen Jůngenn mahnn,
Mit im will ich zehenn darůonn,
in Frembde landt,
Mein Jůnges leben enden.

2. Redt nicht also mein Dochterlein,
dů bist noch froe bey zeiten,
Zůcht vnnd ehr die soltů lehrenn,
Alle dingen soltů zom bestenn kehrenn,
Zůr kloester Jůngkfrawen,
dar bistů zů geraedenn.

[fol. 72r]

 

 

 

3. Jn ein Cloester komen ich nicht,

 

vnnd eilet nicht so sehre,

 

vnnd wannehr ich inn ein Cloester solt gaehn

 

So haben ich noch zwey brůsse Jahr

 

Jch redes vůrwahr,

 

Jch blief dar nimmer innenn.

 

 

 

4. Redt nicht also mein Dochterlein

 

Dů bist noch Jůngk von Jahrenn,

 

Dů bist noch Jůngk von Jahrenn kranck,

 

nimpts dů einen mahn ohnn seinen danck

 

von ihm můstů ia groesse schlage leidenn.

 

[fol. 72v]

 

 

 

5. Groesse slegh die freůndenn nicht

 

Sey machenn kůrtze weile

 

Es wardt so mannige magt geschlaegen,

 

Viertzig wochenn můes sey tragenn,

 

Sey dorft nicht saegenn,

 

ia wer sey hat geschlaegen.

 

 

 

6. Och dochter was ist die alte ehr,

 

darzů koempstů zů spaede,

 

Das newe gebot ist vns gegebenn,

 

das wir mit fleis darnach sůllenn lebenn,

 

ia damit auch,

 

vnnd haltenn die rechte zehen gebot.

 

[fol. 73r]

 

 

 

7. Och moeder was ist das hochste gebot,

 

Das will ich eůch wol lehrenn,

 

Die menschenn die sein von gott geschaffenn,

 

Zwen die sůllenn den drittenn machenn,

 

vnnd die welt damit also vermehrenn.

 

 

 

8. Redt nicht also mein dochterlein,

 

Dů bist noch froe bey zeitenn

 

Dů thůest dich alle zeit weder mich kehrenn,

 

Die hoeverenn schoehn thůestů vermehrenn,

 

dů wilt nicht dantzenn,

 

wie ich dir gern wilt spielen.

 

[fol. 73v]

 

9. Och moder ist das sůndt gedaenn,

 

Warůmb thůendt die Paffn,

 

Keiser koningh kardinaell

 

Sey spieltenn mit schoenen Jůngkfrawenn alzůmail

 

Seindt sey dan allein Got selligh geschaffenn?

 

 

 

10. David vnd Salomon,

 

Die warenn Goedes frůnde

 

Sey thedenn in ihrenn Jůngen tagen

 

schoenen Jůngkfrawenn nicht versagen,

 

von alderthůmb sachten sey

 

es were groesse sůnde.

 

[fol. 74r]

 

 

 

11. Die kt hab ich vür kein gelt gekoůft,

 

Sey steit mir vůr gein pande,

 

Frey gůet will ich nicht eigenn machn,

 

Jůngenn gesellen nicht versagen

 

solt ich dan

 

Darůmb loůffen aůs dem lande.