Niederrheinische Liederhandschrift von 1574

[fol. 86v]

[Ach winter Kalt]

1. Ach winter Kalt,
wie mannichfalt,
krenckt mir herz můedt vnnd sinne,
Ach greis vnd alt,
magstů balt,
des bein ich wordenn innenn,
mein glůck ist kleiner dan ein haar
Darzů ist mir mein beůtel klaer
Des iaeres hab ich klein von gewinne.

2. Jch fahr darher noch also fernn,
Jch wolt mich gern ernehren
es rewet mich sehr,
vnd thůedt mir wehe,
mein glůck wolt sich vonn mir kehrenn,
nochtannig wil ich nit laessen,
vf einn newes will ich hoffenn,
Es werdt mir wol gelingenn.

[fol. 87r]

 

3. Manniger spricht got troeste dich,

 

mit seinem falschenn můede,

 

Vnnd hůete vůr die kleffer dich,

 

Got schendt alle falsche zůngenn,

 

Sey sleichen darher,

 

recht wie ein dieb

 

Och ginngh es mir vbel

 

es wer in lieb,

 

Das hab ich woll befůnden.

 

 

 

4. Noch ist manniger man

 

der es mir nicht en gann,

 

das mir Got hat gegebenn,

 

můcht es noch seinem willen gahnn,

 

reich Got wer kůndt es lieben,

 

noch můes es leidenn,

 

das er nit sehet,

 

Vnnd můes noch leidenn,

 

das vill dingen geschegenn,

 

dar widder kann er nit strebenn.

 

[fol. 87v]

 

 

 

5. Dies reim ist aůß

 

nach diessen straůs

 

Ade ich fahr nach meiner straessenn,

 

Ein kleine můiss

 

Jnn einem kleinenn haůs,

 

die můes mahn fahrenn laessenn,

 

so langh das sey selber grift,

 

Jch weis mir ein ketzeleinn

 

das sey erschlickt,

 

feins medtlein also r

 

 

 

6. Jch radt darher

 

vf das wilte mehr,

 

ich hoff mir solts gelingenn

 

ade ich wil mit mir von vngenůchten singen

 

wederůmb zů kehren verdůrf manigh perdt,

 

sein glůck ist von im gefloegen,

 

bescheidt er mag woll froelich singenn.