Niederrheinische Liederhandschrift von 1574 (1574-1591)

Niederrheinische Liederhandschrift von 1574

(1574-1591)–Anoniem Niederrheinische Liederhandschrift von 1574– rechtenstatus

Auteursrechtvrij

Vorige Volgende



[Folio 101v]
[Brennende lieb, dů heysse Flam] 1. Brennende lieb, dů heysse Flam Wie gar hastů mich vmbgebn, Als důrch ein weib, milt heischt ihr Nahm Onnh die magh ich nicht leben, Das Edel weib mein gůet vnnd leib, hat sey ihr gantz zů eigenn Als sey dan woll noch sehen sol das es die werck anzeigenn. 2. All welt můeß ehe zů schitteren gahnn, ehe dan ich sey wolt meidn, in noeten will ich vůr sei sthehen, vnd solt ich darůmb leidenn, den grimmen toedt, Was ihr thůedt noedth, dweill ich leb vf erdenn, geschicht es in solcher zeit, es sol gerochen werdenn.
[Folio 102r]
3. Rein zarte fr[aw] dran gedenck, Vnnd laes dich nicht gerawenn, Dein leib vnnd trawe, Keinem a[nd]rn schenck den ich d[ir] thůen vertrawen, Dů hast an mir als [ich a]n dir stedt Ewiglich will haltenn, so lebt keinn mahn, der magh noch kahn, solche lieb von ein andern spaltenn. 4. Betracht hertz lieb denn ihrsthenn kůs denn ich thedt froelich waegenn, Hat als geschaft Cupido schůes, Die Goedtin thedt mich plaegenn, Důrch ihren pfeil mit schneller eil, thedt sey mich vast, verwůndenn, das klag ich dir, Zů helffen mir, darmit ich wůrdt verbůndenn.
[Folio 102v]
5. An mir mocht helffenn sonnst kein kůnst, Die alle Artznt gebenn, [m]ir brast allein die lieb vn[nd] gůnst, Darmit hast mir mein leben, Weder erq[ůick]t, vnnd mich verstrickt, Als důrch dein groes zů saegenn, solch bandt loest zů, hab ich rawe, vnnd will kein schmerzen klaegenn. 6. Reist nimmer ab, das doůg[h] die lieb, darmit ich bin verbůndn, Ein steder trawe dich ewigh vbe, Dů machts sůnst frisch die wůndenn, das thedt ihrst wehe, Je mehe so wehe vnnd wirdt fast vber beissenn, verbrochenn dingk so schnel vnd geringh, vfs lest von ein andern reyssen.
[Folio 103r]
7. Als was ich hir gedichtet ha[b] daselb ganntz woll [bet]rachte, Habt dismall ein genůegenn darahn, Der Na[.] ist wedergemachet Denn ich zerreyss, Dein leib woll weyss Wie vast dů darůmb thest bůechenn, Dar vmb ich dir schenck dis darůůr, wie ich dir hab versprochenn. [Acrostichon : Barbara.]

Vorige Volgende