Niederrheinische Liederhandschrift von 1574

[fol. 115v]

[Mit einem bedrůefdenn gesangen]

1. Mit einem bedrůefdenn gesangen
Jch stedigh klaegenn můes,
das ich důrch grosse zwange,
můes verlieren das liebste goedt,
Sein wesn ist gar schoen,
darna ich verlangen thoidt,
kan ich keinen troest erwerben,
so verzer ich meines hertzn bloedt.

2. Feinß lieb in caritate,
schlaůs aůf das hertze dein,
Wannehr wolstů fast fatten
des leben des liebstenn dein,
Jr freůndtlich angesichte
das erfrewet das hertze mein,
Nhů dů mich hast begeben
dein diener wil ich sein.

[fol. 116r]

 

3. Was dingk magh du gebrechenn,

 

was hab ich dir gedaenn,

 

das ich bin so gar verstoessen,

 

Aůs deinen braůn aůgelein klaere

 

Wie sal es mir ergaehenn,

 

Wie sal es mir beystahn,

 

Aůs meinen braůn aůgen,

 

fliessen so mannichgen bedrůefften traen.

 

 

 

4. Dieß liedt das sei der liebster gedicht,

 

Zů meinen Jeder Persthoen,

 

men sal die liefde traegenn,

 

Zů einer die es belohnnt,

 

Wie Venůs kinder thůenndt

 

Sey gahn so gern int groenn,

 

Wie felsthlich kan sey lachenn

 

ich hab ir gedient sonder loehn.