Niederrheinische Liederhandschrift von 1574

[fol. 117r]

[Jst dieß nicht schwar verdreiet]

1. Jst dieß nicht schwar verdreiet
Vnnd darzů groessen last,
Sehr wanckel als ein reidt,
mein lieff mich nicht en acht,
klein freůntschaft sey mir beůdt,
Vnnd wenigh vf mich past.

2. Cůpido vnd Pallas,
ach kompt mir nhů beystahn,
Vnnd Venůs lopt doch rasch
wilt meinen drůck vntschlaenn,
Die lieft helt mir so vast
Jch en kan ir nicht vntgaen.

[fol. 117v]

 

3. Ach lieb kompt mir to bate,

 

troest ewrenn diener gůett

 

Allein heb ich es so qůaedt

 

Es ist liefden die es mir thůedt

 

Doet doch eine fromme daedt,

 

nempt mich in ewer behoedt.

 

 

 

4. Want ich ben heil perikels,

 

vnnd dartzů hart gewůndt

 

Jch bin so sehr geqwelt,

 

nempt mich in ewr verbondt,

 

dodt doch ein fromer daedt,

 

vnd macht mein hertz gesůndt.

 

[fol. 118r]

 

5. O edel bloem gepresenn,

 

gestedigh staedt bey

 

Vnnd heb ich eidt bedrieůenn,

 

Sett dat all vp ein seidt,

 

Laest eůch gein qwaedt ingebenn,

 

Laedt fahrenn al fantesey.

 

 

 

6. Princesse o princesse

 

schreift mir ein briefgenn ahn,

 

so magh ich hoerenn, ahn ewren manieren,

 

ob jhr mich wolt laessen vergaehn,

 

mar mindelich gedeilt

 

so ir mocht