27 capittel
Doe beval God Moyses een outaer te maken buten die tabarnakel van hout van cethim, vijf cubitus lanc ende vijf cubitus breet ende 3 cubitus hoech. Ende dat soude hi decken mit coper. Ende daer soud men die sacrificie op doen ende barnen als hem God beval.
Ende God geboet Moyses te maken coperen potten die assche van die sacrificie in te doen ende tangen dat vuer mede te ontfangen. Ende wat men tot dien outaer besichde, dat soude al coperen wesen. "Ende maect een roester in een manier van enen net van coper ende set die over dat outaer. Ende maect ringen an elken hoec van den outaer ende grendelen daerdoer mede te dragen. Ende dat outaer sel ydel wesen ende binnen hol."
Doe seide God: "Maect een hof om die tabarnakel. An die suutsyde maect een rincmuer van syden lakenen, 100 cubitus lanc, ende set daerin 20 calumpnen van coper. Ende maect dat hof an die noertside 100 cubitus lanc ende daerin 20 calumpnen. Ende dat hof sel gi breet maken int west vijftich cubitus ende daerin 10 calumpnen, ende int oest 50 cubitus breet ende daerin 10 calumpnen. Ende die ommeganc sel hoech wesen vijf cubitus. Ende an den inganc van dat hof sel een tent wesen, 20 cubitus
Auteursrechtelijk beschermd