Noordnederlandse Historiebijbel

18 capittel

God seide tot Moyses: "Segt den kinderen van Ysrahel, dat Ic haer Heer, haer God, bin ende dat si niet en doen na die gewoenten des lants van Egipten, daer si in gewoent hebben, ende dat si oec niet en doen na die manier des lants, daer Icse in leden sel. Mer laetse mijn geboden houden ende wanderen daerin, want

[fol. 53rb]

Ic ben haer Heer, haer God.

Niement en sel ontdecken die lelicheit van sijns vaders wijf, noch sijns brueders wijf, noch van sijnre moeyen, noch van sijnre suster, noch van swegere, noch van snaren, noch van nyement. Ende nyement en sel bi enich van sinen snaren slapen. Ende so wie sonden doet jegen natueren, die sel men doden, als die wet uutwijst."