25 capittel
Die kinder van Ysrahel lagen doe op die Jordaen. Ende die vrouwen van Moab ende van Madian die quamen onder hem mit spise ende mit dranc. Ende voel van die kinder van Ysrahel die aten ende dronken mit hem ende aenbeden haer afgoden ende deden Belphegor sacrifici. Doe wort God toornich ende seide tot Moyses: "Segt den princen des volcs dat si alle die an galgen hangen, die mit den vreemden wiven gesondicht hebben, opdat mijn toren vergaen mach van Ysrahel." Doe geboet Moyses dat den rechteren te doen, elc in sinen geslacht. Ende daer versloech een ygelic sinen naesten die Belphegor sacrifici gedaen hadden.
Ende siet, een van den kinderen van Ysrahel die ghinc tot enen gemeenwijf van Madyan. Ende dat sach Moyses ende die kinder van Ysrahel. Ende si screiden daer gemeenlic om. Ende dat sach Finees, Eleazarus des priesters soen. Ende hi nam een cort swaert ende ghinc in dat huus ende sloech die man van Ysrahel ende dat wijf van Madyan doot. Ende daermede was die plage gedaen. Ende om dier sonden willen wort daer verslegen 24.000 mannen.
Doe seide God tot Moyses: "Fynees, Eleazarus soen, die heeft mijn toorn gekeert van die kinder van Ysrahel. Ende Ic en selse in minen toorn
Auteursrechtelijk beschermd