ter tijt toe, dat si gesont ende genesen waren. Ende die stede wort genoemt Galgala tot desen dage toe.
Doe bleven die kinder van Ysrahel daer leggen ende hielden Paeschen opten 14den dach van der eerster maent. Ende si aten van die vruchten ende van die spise die daer int lant was.
Josue was in den acker voer Yerico ende sach daer een man staen mit enen bloten swaerde. Josue ghinc tot hem ende seide: "Sidi mit ons of sidi jegens ons?" Ende het was een engel die seide: "Ic en ben niet jegen u, mer ic bin een prins over al dat volc ende ic come om u te bescermen." Doe viel Josue op sine knyen ende aenbede den engel ende seide: "Wat spreket mijn Heer, mijn God, tot sinen knecht?" Doe seide die engel: "Duet die scuenen van uwen voeten, want die stede is heilich daer gi staet." Ende Josue dede als hem die engel hiet.
Auteursrechtelijk beschermd