Noordnederlandse Historiebijbel

Vijf capittel

Delbora ende Barach die dancten ende loefden Gode, omdat si victorie mit Hem vercregen hadden. Ende Barach vervolchde sijn vianden ende versloechse. Ende hi belach den coninc Jabin in Azer, sijn hoeftstede. Si wonnen die stede ende si verslogen den coninc mit sinen volc. Ende si verbarnden die stede ende si wonnen daer enen groten roef. Ende Syseras syden clederen, sijn gulden lakenen die gaf Barach

[fol. 94rb]

Jahel, omdat si hem gedoot hadde. Ende also hadde een vijf die eer van den strijt, als Delbora geseit hadde. Ende doe dancten ende loefden die kinderen van Ysrahel Gode ende saten 40 jaer lanc mit rusten.