[4]
Die jonge Nabugodonosor die wort coninc na sinen vader. Ende hi maecte die stede noch sterker ende vaster dan si tevoren was. Ende hi maecte in Babylonyen enen wonderliken, hogen berch van aerde. Ende hi maecte daer een hof bovenop om sijns wijfs willen, want si was van Meden geboren. Ende van dien berch mochte si dat lant van Meden sien. Ende al om den berch hadde hi wijngaert geplant. Ende hi hiete den berch mit den hangende wijngaert. Dese coninc Nabugodonosor die lach 3½ jaer voir Tyren, mer hi en wan dat niet. Mer corts daerna doe sterf hi.
Auteursrechtelijk beschermd