Hier beghint dat boec Esdras
[1]
Doe vernam Sorobabel dat Cambises doot was, die verboden hadde den tempel te Jherusalem te maken. Doe toech hi in Percen of hi oerlof mochte crigen te tymmeren an den tempel Gods. Ende hi was bekent mit een van den 7 heren die al dat lant regierden, die Darius hiet. Sorobabel die bat hem om oerlof den tempel Gods te maken. Doe seide Darius tot Sorobabel hoe die seven heren een overdracht gemaect hadden ende men noch niet en wist wie coninc wesen soude. Doe seide Sorobabel: "Loeft Gode van Ysrahel sinen tempel te helpen maken ende die vaten des tempels weder te senden in den tempels Gods. Ende bid Hem dat Hi u helpe dat gi coninc wort." Ende Darius loefde dat. Doe toech Sorobabel te Jherusalem ende begonde weder te tymmeren an den tempel Gods.
Auteursrechtelijk beschermd