[6]
Al was Aman bedroeft, hi ghinc ter maeltijt mitten coninc totter coninghinnen. Ende doe die maeltijt gedaen was, doe seide die coninc: "Hester, bid nu wat gi begeert; het sel u gescien." Doe seide Hester: "Here coninc, ic bidde u om mijn leven ende om mijnre vrienden leven. Laet ons liever vercopen dan doden." Doe seide die coninc: "Wie soude u dat doen?" Doe seide Hester: "Mer Aman, onse viant, die hier jegenwoerdich is."
Doe dat Asswerus hoerde, doe was hi toornich ende stont op ende ghinc wanderen in enen boemgaert. Ende Hester ghinc leggen op een bedde. Ende Aman viel op sijn knyen binnen der gordinen voir dat bedde ende doe bat hi haer om sijn leven. Ende doe quam die coninc weder in ende sach Aman binnen der gordinen bi der coninghinnen. Doe seide die coninc: "Wil gi mijn coninghinne vercraften voir minen ogen?"
Ende doe wort die coninc van der coninghinnen gesin geseit
Auteursrechtelijk beschermd