Oud-Vlaemsche liederen en andere gedichten der XIVe en XVe eeuwen

VI. [Hout mer in dinen zin]

Hout mer in dinen zin,
Lief vrouwelin tsaer,
Al sijn mijn avonturen cranc,
Ic hope tlieve sal comen naer,
Al dinct mi tleide wesen lanc.
So waer das ich bin,
Of waer ich henen vaer,
Du aens mijn hertze in dijn bedwanc,
Doe mir also mijns hertzen gaer.

Hout mer in dinen zin, enz.
Ich blive daer in
Steide al mine jaer,
Met trouwen, vrouwe, sonder verganc.
Doe ich di voer so doet mi naer,
Ic sal u minlic spreken danc.
Hout mer enz.