Oud-Vlaemsche liederen en andere gedichten der XIVe en XVe eeuwen

XXV. [Mijn hertze, mijn sin, so waer ic bin]

Mijn hertze, mijn sin, so waer ic bin,
Anich u, minlic vrouwe, gegeven;
In core daer voren gheen ghewin,
Ende ic yet sonder u soude leven.

Mi en huecht gheen vruecht, wes ich begin,
Als ic u niet mach sijn beneven;
Ich dinke up ander meer no min,
Eewich sidi in mi ghescreven.

Mijn hertze ende mijn sin, so waer ic bin,
Anich u, minlic vrouwe, ghegeven;
In core daer voren geen ghewin,
Ende ic yet sonder u soude leven.

Met trauwen blivic vast hier in,
Alle ontrauwe aenstu nu verdreven;
In ziele, in live, in moet, in zin,
Es niet dan ghi alleine bleven.

Mijn hertze, mijn zin, so waer ic bin, enz.