Pseudo-Bonaventura-Ludolfiaanse leven van Jesus
(1980)–Anoniem pseudo-Bonaventura-Ludolfiaanse leven van Jesus–
Auteursrechtelijk beschermd
[Folio 175r]
| |
oec Sinte Jacob den Minre, die, als onse Heer doot was, lovede dat hi nummermeer en ate, hi en saghe onsen Heer verresen vander doot. Onse Heer openbaerde doe hem ende den ghenen die mit hem waren, ende seide: "Maect die tafel." Daer na nam hi broet ende benedidet ende gaft hem ende seide: "Mijn lieve broeder, eet, want des menschen Soen is verresen vander doot." Dit seit Iheronimus: "Sich, hoe dat hier Jacobus, die niet alleen hongher en hadde na broet van materien ghemaect, mar oec naden ewighen broede hongherde, van beiden verdiende te warden ghespiset ende ghetroest." |
|