Sommighe nieuwe schriftuerlijcke liedekens
(1591)–anoniem Sommighe nieuwe schriftuerlijcke liedekensna de wyse: Die Werelt is geheel in roere, etc.
EEn liedeken om mijn verstercken, +
En laten quade ghepeysen vlien,
Christus leert ons op zijn woort mercken +
Aen hem ghelooven en belien, +
Wie my ghelooft, en sal niet sien, de doot +
Eeuwich te leven sal hem gheschien, +
Leert hy Joannis sesse bloot.
Condy ghelooven spreeckt Christus selve
Ghy soudt wel sien Godts eerlijckheyt, +
Ghelijck wy lesen Joannis elve,
Hy heeft het teghen Martha gheseyt, +
Wie my ghelooft, met goet bescheydt, die sal
| |
[p. 60] | |
Wel leven in der eeuwicheyt,
Al storve hy hier in' Aertsche dal.
Om hier naer eeuwich te verbliene,
Moet men ghelooven onbeswaert,
+Ghelijck wy lesen Mattheus sesthiene,
Daer Christus een vraghe verclaert,
Petrus beleet hem onvervaert, seer ras,
Dat hy zijn eenighe Sone was.
+Die door t' gheloove hem can belyden
Als den rechten Nathanael,
+Houdt zijn Gheboden tot allen tyden,
+en schout die boose lusten fel,
En wandelt in zijn weghen snel, seer fijn
+Volstandelijck nae zijn bevel,
Tot den eynde, sal salich sijn.
+T' gheloove moet, alsoo wy lesen,
Al met die wercken sijn verciert,
+Anders sou t' gheloove doot wesen,
Ghelijck Jacobus allegiert,
Dus die ghelooft hem soo regiert, expres
+Des Heeren Sabbath rechte viert,
Soo hy van hem bevolen es.
In voortyden heeft Godt bevolen,
+Wy lesen door Moyses de Wet,
Om die te houden onverholen,
+Scherpelijck was hy ingheset,
Niemant conden volbrenghen net, merckt aen,
+Dus sant Godt zynen Sone onbesmet,
+En wiert onder de Wet ghedaen.
+Om te voldoen is hy ghecommen,
Als een die nae ons welvaert dorst,
+Al deur zijn liefde groot niet om sommen
+Heeft hy ons van der doot verlost,
+Als Capiteyn, geweldich Vorst, vailiant
+Ghedaen dat niemant meer doen en cost
Daeromme dat hem de Vader sandt.
+Daer sijn seer vele s Wets figuren,
+ Als Sabbathen en Ceremonien,
| |
[p. 61] | |
Die wy moeten nae der Schriftueren, +
Leven nae den Gheest en bedien, +
Niemant en werter aengesien, voor Godt
Dus wilt de wercken der sonden vlien +
Want t' is nu daghelijcx Sabbath. +
Den Sabbath moeten wy vieren, +
Souden wy leven nae Gods raet,
Al die de wercken des vleeschs hanteeren, +
Soo in Galaten vyve staet, +
Hy niet in 't Rijcke Godes en gaet, maer sneeft +
Als Christelijck gelovich saet, +
Ten rechten uyt den gheloove leeft. +
Of yemant seyde ick hebt gheloove, +
En ghy de wercken overvloet
Op dat u die niet en verdoove,
Tooghen hy zijn gheloove moet, +
Sonder wercken met der spoet, t' is recht
Ick sal tooghen mijn gheloove goet,
Wt de wercken Jacobus seght.
Wt u gheloove wilt deucht bewysen
Leert ons Petrus openbaer, +
Latet licht voor de menschen rysen,
Stellet vry op den candelaer +
Op dat zy 't mercken allegaer, dat rijst
Aldus u gheloove voorwaer, +
Met die wercken crachtich bewijst.
Ten rechten heb ick 't noch beseven,
Deur de Schriftuere die deucht vermeert +
Al die ghelooft die moet wel leven,
Anders wert zijn gheloof onteert,
En wandelt op weghen verkeer, t' mishaecht +
Christus, want hy selve heeft geleert,
Dat een goet boom goe vruchten draecht. +
Dus die ghelooft die moet wel dringen
Leert ons Christus, goe vruchten voort,
Met leven, wercken, in alle dinghen, +
Hem schicken nae des Heeren Woort, +
Om te voeghen soo 't behoort, aen t' hooft
Als ledekens met goet accoort, +
| |
[p. 62] | |
Bewysen dat men aen hem ghelooft,
+Wt t' recht gheloove moet noch volghen
+Ist dat u yemant wat neemt oft quelt,
So seere en mach men niet sijn verbolghen
+Dat men hem toornich teghen stelt,
Om te doene eenich gheweldt, men leest
+Niet dat Christus t' sy u vertelt,
+Sulck een exempel heeft gheweest.
+Wt t' recht gheloove volghen veel saken,
Die te lanck sijn in het verhael,
Hier med' wil ick een eynde maken,
Om besluyten in 't generael,
+Christus leert voor t' principael, die doen
Al dat ick ghebiede te mael,
Sal hy al voor zijn vrienden hoen.
+Dus als gheloovighe Christen leden,
+Laet ons den tijdt wel nemen waer,
Om te houden met neersticheden,
Zijn gheboden hem volghen naer,
Op dat wy moghen allegaer, by Godt,
Verblyden met het Hemels schaer,
Oorlof vrienden hier mede een slot.
Door J. Jansz. |
|