Sommighe nieuwe schriftuerlijcke liedekens
(1591)–anoniem Sommighe nieuwe schriftuerlijcke liedekensnae de wyse: Lof sy o Godt hoochsten Regent, etc.
O Christus lief minnare // soet, +
Die my schinckt u dierbare // bloet,
Nae u verlanght my t' allen uren, +
Soo den Hert sijnd' in vare // doet, +
Nae de Fonteyne clare // vloet,
In dorstich pijnlick besueren,
Ick leve in sware dolueren
Hoe langhe, Lief, sal dit ghedueren
Wanneer sal ick uyt rouwen, sijn,
Wanneer sal ick aenschouwen, dijn
Aenschijn, schoon boven naturen? +
O lief, in s werelts wijcke // niet
Van my in gheen versijcke // vliet,
Maer helpt my, dat mijn teere leden,
Niet en buuyghen ghelijcke // riet,
Maer van u soete Rijcke, siet
My hier in dit dal beneden.
Want ick vinde my bestreden,
Van den Prince der duysterheden,
De werelt in t' verstranghen // quaet,
Alle dat nydich Slanghen // zaet,
En laet my niet met vrede.
Jonstich voor my gheneghen // hecht,
Leydet my in uwe weghen // recht,
door uwen Gheest, o Lief verheven,
Want siet ick ben bedeghen // slecht, +
Een teecken daer elck teghen // seght,
Voor raserye acht men mijn leven, +
En ick nochtans becleven
| |
[p. 128] | |
+Wt uwe zyde sonder sneven,
U lief, u Bruydt, u Kercke // reen
Ick doe door u, O stercke // steen,
+Die Helsche poorten beven.
O Prince der Princieren //jent,
+Ghy die herten en nieren // kent,
Aenhoort mijn bitter claghen,
+Uwen Gheest goedertieren // sendt,
Dat hy door zijn regieren // went
Mijn ledekens nae u behaghen,
Want t' sijn nu quade daghen,
+Hierom, o Lief moet ick u vraghen,
Sal ick van al dit lyden // vry,
Met u niet haest verblyden // my,
En s Levens Croone draghen?
Een is noodich. |