Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Dit is die tafel vanden Groten Lancfranck (2015)

Informatie terzijde

Titelpagina van Dit is die tafel vanden Groten Lancfranck
Afbeelding van Dit is die tafel vanden Groten LancfranckToon afbeelding van titelpagina van Dit is die tafel vanden Groten Lancfranck

  • Verantwoording
  • Inhoudsopgave

Downloads

PDF van tekst (1.71 MB)

ebook (3.31 MB)

XML (0.71 MB)

tekstbestand






Editeurs

Ludo Jongen

Joost Jonkman



Genre

non-fictie

Subgenre

non-fictie/natuurwetenschappen/geneeskunde
vertaling: Latijn/Neolatijn / Nederlands


© zie Auteursrecht en gebruiksvoorwaarden.

Dit is die tafel vanden Groten Lancfranck

(2015)–Anoniem Dit is die tafel vanden Groten Lancfranck–rechtenstatus Auteursrechtelijk beschermd

Vorige Volgende

Dat seste capitel is van syphac gescoert ende gherecket

Syphac is som whilen ghescort ende som wilen gherecket. Som wilen ist ghescort van zwaren last to heffen of vele to springhen of starkelike to ropen off van vele to screyen. Ende mest in kinderen die ghemenelike vele screyen ende mest na eten om die grote dalende verschede vertrecket syphac. Mer recket to wesen om trent den navel ende in die lyesche ende vander liesche opwert. Ende dit bekent men dat in de stede is I bulghe sonder apostemichede of harthede. ¶Ist datmen den hant Ga naar voetnoot621 daer up leghet het gaet to nyete ende dan comt et weder sonder rommelinghe. Men salt cussenelen ende binden ende plasteren als ic den menighen hebbe ghedaen ende cureret also als ic segghen sal.

¶Ghescorthede kent men bi dat de darmen crauwen ende rommelen; alsmen daer op tast of duwet mitter hant, dan voeltmen die darmen in wert gaen ende als die hant af is ende die zieke weder hout adem, so comt sy weder uut myt crauwen ende myt rommelinghe. ¶Ende ist inden navel of in de liesche men salt cureren ghelijc verreckthede. Ga naar voetnoot622 Mer hets quader te doen in enen ouden menschen. Ende aldus ghedane is die cure: men sal maken I broeckryem IIII vingher breet van festeyn manich vout ende men salre in doen cattoen of vlocken. Ende men sal maken I yseren lemmen, also groet alse die bulghe is ende bewinde in lijnwade, nyet ront mer al plat, ende daer in salmen vesten I gapspe datmen aen die gaspe mach vast maken I ryem die comen sal tusschen den dyen van achter vast ghemaket aenden broeckryem. Ende daer mede salmen binden

[Folio 170v]
[fol. 170v]

op de stede dese plaster (gheplaestert op I leder): Recipe vijsken lijm IIII ons, colofonie° III ons, scip peck° armoniac° ana II ons. Ende dese salmen clene breken ende doense in II ons azijns ende in III ons oly van mastic° I dach ende een nacht, daer na salmense smelten op tvuer ende coleren. In die collieringhe so doet dit pulver: Recipe mastic° wierock° bolus armenicus° dragagantum° meel van fenigric° ana 5 ons. Ende alle dese salmen menghen ende langhe to gader roeren. ¶Off nemt die wortelen van clyeren cruut° ende stampt myt smer ende maket daer af I plaster op die stede. Ende vanden wortelen maket pulver ende ghevet daer of elkes daghes 5 dragmen. Ende van wortelen van valeriane myt wine want ic hebbet dicke besocht dat guet was.

¶Ende ist dat ghi wilt cureren myt snidene, dan suldi mytten bekennen al omme gaende die ghescorthede ende daer na duwet die darme weder inwart. Ende nemt tusschen die II vingheren der luchterhant die uterste vellekijn myt nurac ende lichtet op ende snidet overlanx den lichame vander eenre zide der teykene al totter ander tot dat ghi sijet die gescoerthede van syphac by welke ghi de darme sult zijen. Ende daer suldi nayen nyrac ende cyphac to gader nader leringhe voerseit in de wonden vanden buke. ¶Ende die zieke moet legghen dat sijn dyen sin hogher dan sin hovet also dat de darme nyet neder en moghen sinken totder wonden tot dat die wonde volcomelijc heel is. Ende voert sal hi draghen cussenelen tot dat de huut zeer verhardet is van die ghescoerthede. Ende van Ga naar voetnoot623 verreckethede also dat die darme sinken inden cuulbalch sullen wy segghen inden nasten capitel.

voetnoot621
Emendatie: het handschrift heeft ‘bant’.
voetnoot622
Emendatie: het handschrift heeft ‘verrechthede’.
voetnoot623
Emendatie: het handschrift heeft ‘van van’ (dittografie).

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken