Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Trotwaer. Jaargang 4 (1972)

Informatie terzijde

Titelpagina van Trotwaer. Jaargang 4
Afbeelding van Trotwaer. Jaargang 4Toon afbeelding van titelpagina van Trotwaer. Jaargang 4

  • Verantwoording
  • Inhoudsopgave



Genre

proza
poëzie
sec - letterkunde

Subgenre

tijdschrift / jaarboek


© zie Auteursrecht en gebruiksvoorwaarden.

Trotwaer. Jaargang 4

(1972)– [tijdschrift] Trotwaer–rechtenstatus Auteursrechtelijk beschermd

Vorige Volgende

Alfte brief.

‘Glorie aan God! Eere aan de wapens! Respect voor den meester!’ Dy master bin ik, man! Ja, ik bin skermmaster wirden en op it brevet, dat my as biwiis dêrfor jown is, steane de wirden dy 't ik oanhelle. Op kenings-jierdei bin ik yn 't bisit kommen fen sa'n moai pompier. Ja, op kenings-jierdei. Dy dei wier in feestdei for de militairen; ik mat dêrom wol hwet mear hjirfen meidele, hwent feesthâlde dogge wy just net sa folle yn de kaserne. Jimme scille witte, dat de kantine yn de kaserne is om de soldaten goekeap oan dingen to helpen, dy 't er net út de menaezje krijt en dochs greach het, om 't er thús der oan wend wier. Kofje, thé, bjier, sigaren, bûter, tsiis en sa mear, kin er dêr for syn cinten keapje. In soldaet praet fen cinten, lyk as de bidlers. Yn de kantine is ek in biljert, dat ek yet al hwet fortsjinnet. De fortsjinst lykwol wirdt by gelegenheid troch de militairen part. Dat barde nou ek op kenings-jierdei. Dat parten gyng nou op in menear; dat ik tocl oan de wirden: ‘Wie heeft zal gegeven worden,

[pagina 280 [40]]
[p. 280 [40]]

en wie niet heeft, van dien zal genomen worden ook wat hij heeft.’ Smyt de kantine hwet oer, den bringe de soldaten dêr 't measte ta by. Hja krije droech brea, wolle fen sels dêr wol hwet by hawwe, hwet bûter, hwet tsiis, in kop kofje of thé; ek binne 't meast de soldaten dy 't dêr biljertsje. De ûnderofficieren, ja, dy keapje dêr wol ris in sigaer en in glêske bier, hja biljertsje ek wol ris in spiltsje, mar dat hja rjucht hiene op in goune út de algemiene sparpôt, wylst in soldaet mar in kwartsje krige, sjuch, dêr koe myn forstân net by. Dochs gyng 't sa. Jimme bigripe licht ek wol, dat it gefaerlik wirde koe, in soldaet mei in kwartsje yn de bûse rinne to litten. Sa tochten se der hjir ek oer. Weage min it al by inkelde kompanijen, mei ús doarst min 't net bistean. Né, wy krigen de man elk njuggen bêste sigaren en in hompke tsiis. Dêr koe gjin ien dronken fen wirde. Op 't ûngewapend appel om âlve ûre waerd de útdéling hâlden. Dêrby kaem yette in roerende oanspraek, dy ta'n doel hie, om ús op de konsjinsie to binen, dat wy ús op 'e kenings-jierdei fatsoenlik hâlde moasten. Fatsoenlik, ja, en de formoanning, hwet klonk dy fatsoenlik! Ik kin jimme wol sahwet sizze hwet de ynhâld wier, mar om 't sa to dwaen, dat de rjuchte yndruk troch jimme ek field wirdt, dêr ta bin 'k net mânsk enôch. Ik kaem hjir op del; ‘Pas Godverd.... op, dat jelui niet dronke thuis komt, en als ik jelui half sikkerig op zoo'n hoopje by mekaar zie staan, dan zulle we jelui door patrouilles late hale en de politiekamer indondere. En dan nog

[pagina 281 [41]]
[p. 281 [41]]

waarschuwe we jelui, om vooral tege de huzare geen ruzie te zoeke, want dan wordt het weer net zoo'n herrie als nieuwjaar met die bokkenrijers.’

Bokkenriders is in skeldnamme fen de hûzaren.

In moaije les dos: min hie soarch for dronkenskip en rûzie en skold de tsjinpartij dochs ût!

Do 't appèl ôfroan wier, moasten hja, dy 't in brevet hawwe scoene, hwêrûnder ik ek wier, lyk as ik al sein haw, yn de ytseal fen de ûnderofficieren komme. Earst waerd er tank en hilde brocht troch de batailjonscommandant oan de masters fen de skoalle en fen 't skermjen. Hja krigen der by hjar lean, yn goede mint. De masters fen de skoalle elk f 20, de learmaster op de sabel f 8, op de lange stôk f 12, en dy op de degen f 2. Hwêrom hjir wer safolle forskil yn wier, bigryp ik net.

De batailjonscommandant hâlde ek in oanspraek for ús. Hwet er sei?

‘Jongelui, ik ben jelui dankbaar, nevens de meesters, dat ge u geoefend hebt in de schoone kunst. Ik hoop, dat ge van die vlugheid en behendigheid, die ge daardoor verkrege hebt, geen misbruik zult make, maar ze dáár zult gebruike waar het noodig is. Het spijt mij daarentege, dat er niet meer aan hebbe deelgenome, doch nu heb jelui deze eer, dat je als mensch naar huis gaat.

Under tjinst bin ik dos earst in minske wirden. Respekt for de master!

Ik scoe hast forjitte, dat wy op kenings-jierdei

[pagina 282 [42]]
[p. 282 [42]]

ierdappels mei snijbeanstjes ieten en for de man dêryn twa ûns woarst wier. Ek krigen wy de middeis in heal fleske bier. Alheel dus it heartsje! Hwet is der dy deis smookt. Alleman hie de sigaer yn 'e mûle.


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken