Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
De Tsjerne. Jaargang 17 (1962)

Informatie terzijde

Titelpagina van De Tsjerne. Jaargang 17
Afbeelding van De Tsjerne. Jaargang 17Toon afbeelding van titelpagina van De Tsjerne. Jaargang 17

  • Verantwoording
  • Inhoudsopgave



Genre

proza
poëzie

Subgenre

tijdschrift / jaarboek


© zie Auteursrecht en gebruiksvoorwaarden.

De Tsjerne. Jaargang 17

(1962)– [tijdschrift] Tsjerne, De–rechtenstatus Auteursrechtelijk beschermd

Vorige Volgende
[pagina 33]
[p. 33]

Rhapsody foar gep

 
1.
 
 
 
Bidimje dy,
 
gjin oardiel sprekke,
 
en binammen net
 
de winkelfaem har wunschtraum
 
as kitsch birabje.
 
 
 
Gjin hege eagen smite
 
út bekers nacht
 
om 't skurve kleed fan 't liet.
 
Net kreauwe mei bûtsikers fan de kultuer,
 
bierpsalmsjongers.
 
 
 
Lit de wurdtrommen grien útslaen,
 
liz it wurd droech oan 'e welle,
 
jow it gjin stim, ear't de lêste
 
suteler yn klassiken rêst is,
 
rottet.
 
 
 
2.
 
 
 
Bidimje dy,
 
lit net foar spot stean
 
tsjin de loft toskoar,
 
de winkeljuffer, Gep by namme;
 
bisprek har net, mei flarden ôfwaeid praet
 
foar healfolgroeide geasten,
 
ta blauwe dream fan Marksjagal
 
of oars ien dy't rju eagen smyt.
 
 
 
Lit har bliuwe Gep, de ûnklassike roas
 
fan bar en dancing,
 
in wite faem mei smelle stikelhannen;
 
in strakke snaer, oant hommels in trompet
 
har giselet.
[pagina 34]
[p. 34]
 
No improper dancing,
 
mar rûch taeste eagen har oan
 
as hja stil stiet yn spegels en glêzen,
 
sêft-wankjend draeijende top
 
en, stiel op it glêzen parket,
 
har tikjende hakken stean.
 
De flier draeit ûnder har troch,
 
hurd, glêd en blank,
 
doarren freedzje har yn,
 
griene doarren en ticht,
 
op ien in blau-wite fisk,
 
stiif yn it izige grien.
 
Houtrich draeijende poppen
 
wintelje stadiger mei,
 
stiif as de fisk op de doar,
 
in glimk op it antlit bistoarn.
 
Mar ien wint ûntwyk en syn laitsjen leit
 
in moarnsgloed oer 't wyt fan de deade fisk.
 
Hy winkt mei de hân fan in woune skeind,
 
dêr't de wyn fan syn bloed op blinkt.
 
Yn it skimerjend read foar har eagen
 
wurdt de hân, wurdt it antlit wei.
 
Om fjildfollen ûndergeand ljocht
 
tine tsjoensirkels wurgens,
 
dêr't gjin byld trochhinne brekt.
 
 
 
3.
 
 
 
Net mear oer dunen rinne jouns
 
troch âld yn-'t-wyld-slein ljocht,
 
gjin jounsrea drinke.
 
Gjin hege eagen smite
 
út bekers nacht
 
om 't skurve kleed fan 't liet.
 
Net kreauwe mei bûtsikers fan 'e kultuer,
 
kriters tsjin moanne en stjerren.
 
 
 
Net mear oer fjilden rinne deis,
 
gjin ljochtwyn drinke
 
om it ljocht to bidrinken.
 
Net oanstjitte mei ljocht op ljocht:
 
âld-nij wolbihagen rekket ús net.
[pagina 35]
[p. 35]
 
4.
 
 
 
De ljochtjierren binne foarby,
 
streuptiden om glanzen to slûken,
 
gloeden to kweken yn koaijen fan ferve,
 
glinsters to intsjen
 
op beammen, op blommen, op glêdde tafels,
 
de ljochtjierren binne foarby.
 
Skilders mei fjûrskerpe eagen,
 
fangers fan ljocht yn rimboe's fan romte
 
har jachtjierren binne foarby.
 
 
 
En Gep, dy fûgelfaeije roas,
 
har byld fan nei de ljochtieu leit
 
útslein op swart, yn kante flakken,
 
dûbeldmûlich, inkeldeagich.
 
Ut har antlit waechse hannen,
 
gripensré de fingerheakken,
 
nei de faeije roas fan 't libben,
 
nei it antlit dat him deljoech.
 
 
 
5.
 
 
 
Earme doarpen dogge dy eare,
 
spearen skoarje it baldakyn,
 
wimpels teare har wille iepen,
 
wyn fan wolkom rûst yn 't bloed.
 
Gep, troch de gunst fan rije strjitten
 
gean de fuotten oer brekkende blommen,
 
tribút fan it lân,
 
triennen fan waerm forlitten.
 
Mar nei fleurige doarpen komme
 
jounsreade fjilden en fierder slûget
 
yn skiere bosken de nacht.
 
 
 
6.
 
 
 
Wyt is de snie: ien string fan dyn snoer
 
is wyt as it heechst fan de bergen;
 
dêr sylt yn de nacht de moanne oer,
 
goudene bark fan it himelfolk,
 
goud-giel is in string fan dyn snoer.
[pagina 36]
[p. 36]
 
En 't hert is de haven fan it reade bloed
 
dêr't it skip fan dyn leafde yn leit:
 
in rige fan kralen skynt út de gloed
 
fan sinne-barnende leafde.
 
 
 
Sa, smel om de moarmeren toer fan de hals,
 
en breed oer de poarperen roazen,
 
singelet it snoer syn trije-string
 
en wijt dy ta keningsbreid.
 
 
 
7.
 
 
 
Letter, Gep, letter,
 
lotterje lea yn it fjûr fan deilis -
 
skroeid om 'e bonken om 't ôf.
 
 
 
Forskoveling kypt dyn hert
 
oer de skerpe ich fan in tonge
 
yn 'e jittik fan deistich praet.
 
 
 
Allinne hyaena's, lea en
 
oare professionals wolle
 
in bek op dy sette.
 
 
 
Alle glâns fan eagen, fan hier,
 
it ûnderpân fan keine lea
 
jowt de lommert gjin jild op.
 
 
 
Oer de gloed fan de dei
 
lizze skaden as de inket op it papier
 
dat dyn skande biskriuwt.
 
 
 
Ien kear it brekken fan siken,
 
ien kear it gripen yn 't laed
 
fan foarby, en foargoed
 
leit alles ad acta.
 
 
 
8.
 
 
 
Rjocht oer it fjild fan de loft
 
en heech oer de stêd en it bleke
 
skyfke foazige moanne
 
sette de jets efficiïnt,
 
gau, lawaeiïch, in stadich en stil
[pagina 37]
[p. 37]
 
wer forwaeijend perk út.
 
Is der op koarte termyn
 
striid fan de goaden to wachtsjen?
 
Ut de roas fan de jountiid
 
dript fan in bittere hunich
 
yn Gep del, en hja set
 
skriljend de radio oan.
 
 
 
9.
 
 
 
Yn de sjike bar Projekty
 
gluorkje fan de hege krukken
 
theo-psycho-filologen
 
nei de barfaem Gep Minerva.
 
 
 
Gummiballen batse giel en
 
grize spinnen weevje dizen,
 
yn de ballen fan har eagen
 
kweket de barfaem infusoaren.
 
 
 
Hobbelhynders stean forsille
 
yn it Kafkadrome fan souders,
 
Jungfreud dript troch smelle skreven
 
út de ivich lekke nachtpiip.
 
 
 
As Gep trijeskiftich swevet
 
foar de spegels en de flessen,
 
rjuchtsje hja har teleskopen
 
op dat blauforkleurjend netwurk.
 
 
 
En hja flokke: - O, Arachne,
 
al dyn grien en blauwe skimmels
 
binne neat as surrogaten,
 
dy't as roazen bloeije wolle;
 
 
 
Mar de keine bloei ûntgiet dy
 
fan de roas dy't nea forwilet.
 
Mar dat heart by 't Heger Libben,
 
en dat Libben, Gep, ûntkomt dy.
[pagina 38]
[p. 38]
 
10.
 
 
 
Dizze nacht hat har yn, earne
 
yn tsjuster, tusken de stringen
 
lampkes, ûnder de hiel
 
lytse moanne lizze har
 
lange hurde earmen,
 
sliepe har lange smelle
 
eagen, is it brede
 
riviersysteem fan har ieren
 
yn nachtlike frede,
 
lytse, leave, slomjende ljochtroas.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken