Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
De Tsjerne. Jaargang 19 (1964)

Informatie terzijde

Titelpagina van De Tsjerne. Jaargang 19
Afbeelding van De Tsjerne. Jaargang 19Toon afbeelding van titelpagina van De Tsjerne. Jaargang 19

  • Verantwoording
  • Inhoudsopgave



Genre

proza
poëzie

Subgenre

tijdschrift / jaarboek


© zie Auteursrecht en gebruiksvoorwaarden.

De Tsjerne. Jaargang 19

(1964)– [tijdschrift] Tsjerne, De–rechtenstatus Auteursrechtelijk beschermd

Vorige Volgende
[pagina 19]
[p. 19]

De bloei fan it forline

I

 
Hjir wimmelt faezjend oer it hiem
 
Kwels de babbe lâns de paden.
 
Spoeken spije brûs en skom
 
Yn fûgelerf en koetsekralen.
 
 
 
Heech op it hôf de deaden rêste,
 
Beke en beule de bern:
 
Njonken de skovele sarken
 
Tikket oanhâldend biente op biente.
 
 
 
De wide felling winkt it erf
 
Dêr't jier op jier de ekers bloeije.
 
Giet efter de bels de bier fan de wramer;
 
Leit er ûnder de somer de holle del.
 
 
 
It hûs is âld it paed oergroeid;
 
Hoe hoedet hillich it hou it forline.
 
Slacht op it tún de beam wer út
 
Ta wrange frucht dêr't ik fan iet.
 
 
 
Op dit âld en wenstich sté
 
Krimpt en ronfelt wer it mael,
 
Priuw ik wer de aelst fan 't jiermel
 
Wrimpen op in hjerstich hiem.
[pagina 20]
[p. 20]

II

 
Stadich it lân de beammen
 
It wetter in brekkende spegel,
 
Weeldrich de bloei fan de wyn
 
Oer âlde toarstige ekers.
 
 
 
It dier in drachtich skaed,
 
In skommel yn de sinne.
 
Sweevjend de fierte rekket
 
De himel de ierde.
 
 
 
De middei in fjûr, in bloeijende beam,
 
De frou in fruchtbere dou.
 
Op de wegen sied en brea,
 
Heech yn de skuorren de skommels.
 
 
 
Oh, bloei fan forline, in wiuwende fûgel.
 
Hoe krimpt út dyn blinkende romte
 
Fan de fjouwer winen wyt de winkende
 
Stienwei nei it hûs fan de berte.
 
 
 
Bern hûkje om dyn evel en skeel.
 
Hja wize de sjenner nei
 
Dy't flokt de rein, de wolken
 
De winen werpe jiske op it wetter.
 
 
 
Hillich fjûr fortard de laitsjende fûgels.
 
Fleant en slipet de hoanne it izer,
 
De bliedende ingel biwennet myn
 
Hotte, myn roastige ekers.
 
 
 
Elf hoedet hja de drimpel fan
 
Yugong en útgong mei wintersk fjûr.
 
Yn de jeld fan har heup draecht
 
Hja de string fan myn berte.
 
 
 
Slacht ier en let de tromme
 
De hurrel, hja rist de fane
 
Yn 'e nacht as in beam
 
Yn in tsjustere wyn fan forline.
[pagina 21]
[p. 21]

III

 
Kom ik werom nei 't hege hiem;
 
Wyt de wolken ljocht de wegen,
 
Winkend nei it needrich erf
 
Fan felling, war en kegen.
 
 
 
Njonken it blinkend hûs
 
Hûket jeld en himpen de man
 
En klikket hoar yn de wan
 
In rimpen mes op 'e har.
 
 
 
Slacht er ier mei moed en euvel
 
Elf en dartich it wapen.
 
Jouns winkt oan de deuvel
 
De ang fan it lims.
 
 
 
Wreed de dea de gavels riuwt,
 
Bidt men leed yn de gehuchten,
 
Telle amper mear de fruchten;
 
Blyn it hûs it wapen bliuwt.
 
 
 
Bûch ik nei de fjurren oer,
 
Treastelbier oan elksmans doar.
 
Wyt de bloei fan it forline;
 
Nachts de teilen ljocht en fjûr.
[pagina 22]
[p. 22]

IV

 
Hjir welle alle wegen ta
 
Om 't âlde hûs en hear.
 
De ierde dêr't ik boarte ha
 
En werfoun kear nei kear.
 
 
 
Ik lichtsje bras de klinken
 
As by de kletterbeam,
 
It frakke bloeisel linken
 
Bitoarket oan de stream.
 
 
 
De hjerst leit dalje oan de doar,
 
Ut teilen slacht de wiette,
 
Mar erflik komt wer 't âlde spoar
 
Ut earder tiden my tomjitte.
 
 
 
De braekte ekers wiet en brak,
 
De greiden grien en myld.
 
Sa hifket ûnder eigen dak
 
It each it wyld tomûk oan gyld.
 
 
 
Falle jouns de hoeven hoar,
 
De felle izers klinke sa.
 
Elk siket wer syn eigen doar;
 
Hjir welle alle wegen ta.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken