Skiplinks

  • Tekst
  • Verantwoording en downloads
  • Doorverwijzing en noten
DBNL Logo
DBNL Logo

Hoofdmenu

  • Literatuur & Taal
    • Auteurs
    • Beschikbare titels
    • Literatuur
    • Taal
    • Limburgse literatuur
    • Friese literatuur
    • Surinaamse literatuur
    • Zuid-Afrikaanse literatuur
  • Selecties
    • Onze kinderboeken
    • Basisbibliotheek
    • Tijdschriften/jaarboeken
    • Naslagwerken
    • E-books
    • Publiek Domein
    • Calendarium
    • Atlas
  • Gebruiksvoorwaarden
    • Hergebruik
    • Disclaimer
    • Informatie voor rechthebbenden
  • Over DBNL
    • Over DBNL
    • Contact
    • Veelgestelde vragen
    • Privacy
    • Toegankelijkheid
De Tsjerne. Jaargang 19

  • Verantwoording
  • Inhoudsopgave



Genre
proza
poëzie

Subgenre
tijdschrift / jaarboek


© zie Auteursrecht en gebruiksvoorwaarden.

 

De Tsjerne. Jaargang 19

(1964)– [tijdschrift] Tsjerne, De

Vorige Volgende
[p. 37]

De stiennen roas

 
Neaken it hûs fan de berte
 
En iepen it gehucht,
 
Draecht de ieu my nei
 
De rêch fan de romte.
 
 
 
Oer de ierde slypje
 
De winen de klinkende bilen
 
En waeije spoeksel yn it ear
 
Fan de man dy't it hoefdier driuwt
 
Oer opspringende ekers.
 
 
 
Ut it liem fan de skimer,
 
Ut de sliepende heuvels
 
Sil de sinne stadich
 
In brûnzen stêd bouwe
 
Fan massa-skulptueren
 
 
 
Blinkend it laem oan it wetter.
 
Bûcht de stiennen harder. Yn it fjild
 
Stekt stadich in stanbyld in plein oer
 
En groetet de metalen hynders.
 
 
 
Ut it park stiet in frou op,
 
Hja hat in bern krige.
 
Mar de frou stjert oan it bern,
 
It bern stjert oan de mûle fan de sinne,
 
Oan de fonteinen fan Ynterkommunale Wetterlieding.
 
 
 
It mes fan it skaed lûkt rjochte fuorgen
 
Troch de stêd.
 
De harder weidet it laem lâns bline wegen,
 
It bern drinkt it tsjuster fan de mem,
 
Hoeden gean de gehoargongen iepen,
 
Mar nearne stiet in beam op;
 
Hwant de stêd is plante op rioelen,
 
Hja is ûndergrounsk.

Vorige Volgende