Veelderhande gheestelicke liedekens
(1558)–anoniem Veelderhande gheestelicke liedekensC Na de wijse. In sdoots ghewelt lach ick gheuaen.
HUylt weent en schreyt ghy broetsels quaet +
Wilt nv de handen wringhen +
Want ons nv baert in Godes raet
Het eynde alder dinghen
Den Heysscher stout soect loon +
Hy coemt in zijnen troon +
Met zijnder heyrschaers crachten +
Om elck te richten saen +
Naer dat hy heeft ghedaen +
In wil oft in ghedachten.
Wee v die Ezaus kinderen zijt +
En Iudas wercken volghen +
Wat naect v droefheyt, camp en strijt
In zijnen thoorn verbolghen
Want ghy Gods woorden claer
Uerachtet hebt voorwaer
Ueruloect zijdy den Heere
O Nabals boose vrucht +
Waer neemdy nv dijn vlucht
Wat baet dijn roemen seere.
De Heere coemt met groot ghewelt +
Om v snel te verderuen
Hy wilt betalen, maer sonder ghelt
Al door een eewich steruen +
In zijnen thoorn wreet +
So suldy zijn gheleet
Al in een vierich branden
Daer sal dijnen hoochmoet
Met al tgheen dat ghy doet +
Uerwesen zijn ter schanden.
Maect v vry wech ghy Cains saet +
Wilt snel v ganghen stieren +
In holen kuylen voor Christus staet
Hy coemt met zijn Princhieren
| |
[p. 174] | |
Wilt v verberghen snel
Al inder aerde wel
+ Uoor het aenschijn des Heeren
+ Want groot verschricken naect
Uoor v die hebt versaect
Christus met zijnder leeren.
+ Den dach die ons nv is bestemt
+ Sal alle vleesch ontmoeten
+ Hoe diepe elck inder werelt swemt
Oft hier haer lusten boeten
+ Dies schreyt en maect gheclach
+ In desen droeuen dach
U naect een bitter trueren
U naect een groot verdriet
+ Dwelck v de sonde aenbiet
+ Die cause is ws dolueren.
+ Daer sullen dan door druck benout
Alle wreede handen flouwen
+ En alle manlicke herten stout
Uersmelten int aenschouwen
Hen sal sulck wee gheschien
Alsmen heensdaechs mach sien
Aen een beuruchte vrouwe
Want grouwel groot en sterck
+ En wrake is Sheeren werck
Wanneer hy straft in trouwe.
+ Dan sal hy zijn viervlammen heet
Op zijn vianden ghieten
Sijn donderpijlen sal hy wreet
Al teghen haer wt schieten
O ongheuallich zaet
Waer crijghdy troost oft raet
In desen tijt van drucke
Waer sal dan dijnen spod
Die ghy hadt teghen God
U comen ten ghelucke.
+ Dan salter zijn te segghen seer
| |
[p. 175] | |
Wat hebben wy bedreuen
Dat wy om lof, oft menschen eer
De doot hebben verheuen
Schreyen sullen sy bloot +
En roepen doot en noot
In dit druckich verzeeren
O berghen nv vertrect +
En ons voort wech bedect +
Uoor tsnel aenschijn des Heeren. +
Uerstelt dijn wesen, en maect misbaer
Och rampsalich gheslachte
Beschreyt dijn sonden, trect wt dijn haer
Uerschroemt en beeft met crachte
Want desen droeuen tijt +
Die naect v seer subijt +
Die niemant can volschrijuen
Hy coemt in zijn bestier
Als een verteerende vier +
Wie can voor hem staende blijuen. +
Dies groot en cleyn dit ouerdinght
Die sulcken ancxt wilt vluchten +
By name die daer dringht +
Op Nicolaons gheruchten
Uoorsiet v voor den vanck
Gods oordeel dat wort stranck
Dwelck ouer al sal commen
Den goeden thoogher eer +
Den boosen sal de Heer +
Gansch gaer tot niet verdommen.
Ureest den Heere. |