De Vorsterman Bijbel

§ Dat .xi. Cap.

1

⁺MAer Athalia die moeder van Ochosia doen si sach dat haer sone doot was, stont si op, ende vernielde alle dat coninclike zaet

+ A

2

Maer Iosaba die dochter des conincs Ioram Ochozias suster nam ioas den sone Ochozie, ende stal hem wt des conincs kinderen, die ghedoot werden met zijnder voeysteren wt die slaepcamere, ende si verberch hem voor Athalia, om dat hi niet gedoot en soude worden,

3

Ende hi was ses iaer met haer, heymelijcken verborghen inden huyse des HEREN, ⁺ Maer Athalia was coninginne, ende regeerde seuen iaer inden lande.

+ ij.pa. xxij.d

4

Maer int seuenste iaer sandt ioiada, ende nam die ouerste hooftluyden ouer hondert met dat ^* rosuolc ende crijchluyden) ende lietse tot hem int huys des HEREN comen, ende maecte een verbont met hen, ende ^* beswoerse) inden huyse des HEEREN, ende thoonde hen des conincs sone,

* th. loopers

* th. nam eenen eedt van hen

5

ende gheboot hen, ende sprack, dat is dat woort dat ghy doen sult,

6

Dat derde deel van v sal op den Sabboth inghaen, ende sal bewaren die voorwaken van des conincs huyse, Ende een derden deel sal zijn aen die poorte ^* Seyr) Ende een derdendeel aen die poorte die achter die ^* wooninge) is, ende sult die wake ^* der schiltknechten waer nemen van den huyse Mesa)

* th. Sur

* th. loopers

* the. waken van Massah huyse

7

⁺Maer twee deelen van v allen sullen wt ghaen op den Sabboth, ende bewaren dye voorwake vanden huyse des HEEREN, omtrent den Coninck, ende sult v rontsomme den coninc maken,

+ B

8

ende elc hebbe sinen ghewere in die hant, ende wie hier mede tusschen die wanden comet, dien salmen doot slaen, ende ghi sult bi den coninc zijn als hi wt ende in gaet.

9

Ende dye ouerste hooftluyden ouer hondert deden na alle tghene, dat hen ioiada dye priester geboden had, ende namen tot hen haere mannen die tot den sabboth aengingen, met dien die des sabboths wt ghinghen, ende quamen totten priester ioiada,

10

Ende die priester ghaf den hoofluyden spiessen ende wapenen

[p. y3v]

dye des conincs Dauids gheweest waren, ende inden huyse des HEREN waren,

11

ende die loopers stonden yegelijc hebbende gheweer wapenen in handen, van die rechte side des tempels, totter slincker side des altaers, ende des huys, ende omtrent den coninck,

12

Ende hi liet des conincs sone voort comen, ende sette hem een croone op, ende nam dat getuygenis, ⁺ ende si maecten hem tot eenen coninc, ende salfden hem, ende si waren vrolijc, ende sloegen die handen te samen, ende spraken, Die coninc leue.

+ § Dat ghetuyghenis dat was dat vijfste boec Moisi dat den coninc beuolen was. Deut. xx.

13

Ende doen Athalia dat geroep des volcs datter toe liep, ⁺ hoorde, so quam si totten scaren vanden volcke inden tempel des HEEREN,

+ C

14

ende sach dat die coninc stont ^* op den rechterstoel) so het gewoonlijc was, ende die sangers ende die trompetten bi den coninc, ende dat allet volc des lants was vrolic, ende bliesen met trompetten, Doen schoerde ^* si) haer cleederen, ende sprac, ^* Oploopinge ende wederstant Oploopinge ende wederstant)

* the. aen die calomne.

* th. Athalia

* th. opruer, opruer

15

Maer die priester Ioiada geboot den ouersten hooftluyden ouer hondert, die ouer dat heyr ghestelt waren, ende sprack tot hen, Leytse wt den beuanck des tempels, ende wie haer volcht, die sterue metten swaerde, Want die priester hadde gheseyt, en laetse niet inden huyse des HEEREN dooden,

16

Ende si sloeghen die hant aen haer, ende si stietense wech door den wege, daer die paerden omtrent den palayse gaen, ende si wert aldaer ghedoodet.

17

⁺Doen maecte Ioiada een verbont tusscen God ende den coninc, ende den volc dat si des HEREN volc zijn souden, Also ooc tusschen den coninc ende den volc,

+ D

18

Doen ginc allet volc des lants inden tempel Baal, ende braken sine altaren af, ende braken sine beelden zeer wel, Ende si versloegen Mathan den priester Baal, voor den outaer, Ende die priester stelde bewaringen inden huyse des HEREN,

19

ende nam die ouerste hooftluyden ouer hondert, ende dye loopers, ende alle dat volck des lants, ende leyden den coninc af vanden huyse des HEEREN, ende si quamen door den wech vander poorten der loopers, tot des conincs pallays, ende hy sadt op den coninclijcken stoel,

20

Ende allet volc des lants was vrolijc, ende die stadt wert stille, Athalia is doot gheslagen metten swaerde in des conincs huys,

21

Ende Ioas was seuen iaeren oudt, doen hi coninck wert

§ Hoe die coninck Ioas den priesteren verboot tghelt te nemen vanden voorbigangeren, om dat si thuys Gods niet en maecten, vanden schat die in die offerkiste geuonden wert. Ende hoe Ioas ghedoot wert, ende Amasias [kolom] sine sone voor hem regeerde