De Vorsterman Bijbel

§ Dauids .c. ende .xxxvi. Psalm. ⁺ § Super flumina

+ int heb. den c. ende xxxvij Psalm.

1

^* BOuen op) die wateren van Babilonien, saten wi ende weenden oock, Doen wi om v Sion ghedachten.

* thebre. aen

2

⁺Aen die willighen die int midden van haer waren, hinghen wi onse ^* musijck spelen.)

+ A

* th. harpen

3

Want aldaer ^* vraechden ons, die ons geuanghen geleyt hadden, woorden van sanghen. Ende die ons wech geleyt hadden, Singt ons eenen vrolijcken lofsanc vanden liedekens Sion)

* the. eyschten van ons een liedt, die ons geuangen hielden, ende in onse huilen, eenen vrolijcken sanc Singt ons een liedeken van Sion

4

Hoe souden wi des HEEREN liedt gesingen, in vremden landen?

5

Verghete ick ws Ierusalem, Soo worde mijnder rechter hant vergheten.

6

Mijn tonge moet aen dat gehemelte mijns monts cleuen, ist dat ick ws niet en ghedencke, ⁺ Ist dat ick Ierusalem niet ^* voor en stelle int beghinsel) mijnder blijschappen,

+ B

* h. verheffe ouer thooft

7

HEERE, ghedenct Edoms kinderen, in Ierusalems daghe, Die daer seggen, Maect ydel, maect ydel, tot in haeren fundamente toe.

8

Ghi allendighe dochter van Babilonien, salich is hi diet v verghelden sal, metter vergheldinghe die ghi ghedaen hebt.

9

Salich is hi, die ^* sine) ionghe kinderen grijpt, ende smijtse tot stucken, aen den steen.

* thebr. uwe