Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
De Vorsterman Bijbel (ca. 1528-1531)

Informatie terzijde

  • Verantwoording
  • Inhoudsopgave

Downloads

XML (13.01 MB)

tekstbestand






Genre

proza

Subgenre

bijbel / bijbeltekst(en)


© zie Auteursrecht en gebruiksvoorwaarden.

De Vorsterman Bijbel

(ca. 1528-1531)–Anoniem Vorsterman Bijbel–rechtenstatus Auteursrechtvrij

Vorige Volgende

§ Dat .xxxij. Cap.

1

Ga naar margenoot+DAt woort des HEEREN dat tot Ieremiam geschiede vanden HERE, int tienste

[pagina N7v]
[p. N7v]

iare Sedechia des conincks van Iuda, dat selue is Nabuchodonosors achthienste iaer

2

Doen hadde dat heyr des conincks van Babylonien Ierusalem beleyt, Ende Ieremias was in dat voorhuys des kerckers besloten, Ga naar margenoot+ die int huis des conincs van Iuda was,

3

Want Sedechias hadde hem besloten, seggende, Waer omme propheteert ghy, segghende, Dit seyt die HEERE, Siet, ic sal dese stadt in des conincs van Babilonien hant geuen, ende hi salse winnen,

4

ende Sedechias die coninc van Iuda en sal niet ontulieden wt der Caldeeuscer hant, Maer hi sal in des conincs van Babilonien hant geleuert worden, ende sinen mont sal met des conincs mont spreken, ende zijn oogen sullen des conincs oogen sien,

5

Ende hi sal Sedechiam in Babilonien voeren, ende hy sal daer zijn tot dat ic hem versoecken sal, seyt dye HERE, Maer al ist dat ghi tegen dye Caldeeusche strijt, ghi en sult gheenen voospoet hebben.

6

Ende Ieremias seyde, Des HEREN woort geschiede tot mi, seggende,

7

Siet Hanameel Sellums sone, ws ooms sone sal tot v comen ende seggen, Coopt minen acker, die in Anatot is, Want v behoort toe dien te coopen vant uaderscap,

8

Ende Hanameel mijns ooms sone quam tot mi, na des HEEREN woort, totten poortael des kerckers, ende hi seide tot mi Ga naar margenoot* besidt) minen acker die in Anathot is, Ga naar margenoot+ in BenIamins lant, want die erflicheyt behoort v toe, ende ghi zijt die naeste om te Ga naar margenoot* besitten,) Ende ic verstont dattet des HEREN woort was,

9

ende ic cocht den acker van Hanameel mijns ooms sone, die in Anathot is Ende ic woech hem dat siluer, vij. Ga naar margenoot* stateren) ende .x. silueren penningen.

10

Ende ic screef in eenen Ga naar margenoot* boec) ende bereekendet, getuygen daer af nemende, Ende ic woech hem dat siluer in een scale,

11

Ende ic ontfinc eenen besegelden Ga naar margenoot* boec vander besittinge, ende dat ouergeuen met sekeren ende vasten verbonde, ende met die teekenen van buyten)

12

Ende ic gaf Baruch Nerias sone den Ga naar margenoot* boec der bessittingen) die Maasias sone was, voor Hanameels mijns ooms soons oogen, ende voor der getuygen oogen, die inden Ga naar margenoot* boec vanden coop) gescreuen waren, ende voor alle der Ioden oogen dye int voorhuys vanden kercker saten,

13

Ende ic beual Baruch voor hen allen, ende seyde,

14

Dit seyt die HEERE der heyrscharen God van Israel. Neemt Ga naar margenoot* dese boecken, desen geteekenden boec vanden coope, ende desen boec die open is,) ende legtse in eenen aerden pot, dat si veel dagen mogen dueren

15

Want dit seyt die HERE der heyrscaren God van Israhel, Noch salmen in desen lande, huysen ackers ende wijngaerden Ga naar margenoot* besitten,)

16

Ende na dien dat ic Baruch Nerias sone den boeck [kolom] Ga naar margenoot+ vander besittingen geleuert hadde, doen badt ic totten HEERE, seggende

17

Ga naar margenoot* Ach, ach, ach, HERE God) Siet, ghy maecte hemel ende aerde met uwe groote stercheyt, ende met uwen wtgherecten arm Ga naar margenoot* Alle woort en sal v niet swaer zijn)

18

ghi die ontfermherticheit doet aen veel duysenden, Ende die wederom betaelt der vaderen boosheyt, in haerder kinderen schoot na hen, Alder sterctste, groote, ende machtich HERE der heirscharen is uwen naem

19

Ghi zijt groot inden rade, onbeuanckelijc inden gedachte, wiens oogen ontdaen zijn op alle die wegen van Adams kinderen, so dat ghi gheuen sout eenen yegeliken na zijn wegen, ende na die vrucht zijnder vindinghen,

20

Ghi die teekenen ende wonderen thoondet in dat lant van Egypten, tot in desen dage, ende in Israel, ende inden menschen, Ende ghi hebt v ghemaect eenen naem gelijc huyden des daechs is

21

Ende ghi leyde v volc van Israel wten lande van Egipten, met teekenen ende wonderen, ende met starcker hant, ende wtgerecten arm, ende met grooten anxt,

22

Ga naar margenoot+Ende ghi ghaeft hen dit lant dat ghy haeren vaders gesworen haddet, dat ghy hen een lant sout gheuen, vloeyende van honich ende van melcke,

23

Ende si quamen daer inne, ende besatent, ende si en waren uwer stemmen niet ghehoorsaem, ende si en wandelden in uwe wet niet, al dat ghi hen beuaelt te doen, en deden si niet, ende alle dese quade dingen zijn op hen gecomen

24

Siet, daer zijn bolwercken teghen deser stadt gemaect, om te winnen, ende die stadt is inder Caldeeuscer hant gegeuen, ende inden handen des conincs van Babilonien die daer tegen strijden, vanden aenschijn des swaerts des hongers, ende der pestilencien, ende al dat ghi gesproken hebt, dat is geschiet, gelijc ghy selue siet,

25

Ende HERE mijn god, ghi segt tot mi, Coopt den acker met siluer, ende neemt getuygen, hoe wel die stat in die hant der Caldeeuscer gegeuen is.

26

Ende des HEREN woort gesciede tot Ieremiam, seggende.

27

Siet, ic ben die HERE, Godt van allen vleesche, Sal my Ga naar margenoot* eenich woort swaer zijn te doen?)

28

Hieromme seyt die HERE, Siet, ick sal dese stadt leueren in der Caldeeuscher hant, ende in des conincs van Babylonien hant, ende hi salse winnen,

29

Ende die Caldeeusce tegen dese stadt strijdende, sullen comen, ende ontstekense, ende verbrandense, metten viere, ende die huysen, inder welcker zale dat si Baal offerande deden, ende den vremden goden offerden vochtige offerande, om my te verwecken,

30

Ga naar margenoot+Want dye kinderen van Israel ende die kinderen van Iuda waren altijt boosheyt doende voor mijn ooghen van haerder ioncheyt aen, Die kinder van Irahel die

[pagina N8r]
[p. N8r]

tot nv toe mi verwecken tot gramscap metten wercken haerder handen, seit die HERE.

31

Want dese stat is mi geworden tot gramscap, ende tot mijnder toornicheit, van dien dage dat sise stichten, tot desen dage toe, inden welcken dat si van minen aensichte wech ghedaen sal worden

32

om der kinderen van Israhel, ende der kinderen van Iuda boosheit, die si deden, my tot gramscap te verwecken, si ende haer coningen, ende haer princen, ende haer priesteren, ende haer propheten, die mannen van Iuda, ende die inwoonders van Ierusalem.

33

Ende si keerden haer rugghen tot mi, ende haer aensichten niet, Als icse vroech inder dagheraet leerde ende onderwees, so en wilden si niet hooren, datsi castiende onderwisinge ontfangen souden,

34

Ende setten haer Ga naar margenoot* afgoden) int huys int welcke minen naem aengheroepen is, om dat zijt besmetten souden.

35

Ende si timmerden Baals hoochten, die int dal van Ennons sone zijn, op dat si haer sonen ende haer dochteren Moloch offeren souden, dat ic hen niet en beual, noch ten quam niet op in mijnder herten, dat si dese afgriselicheit souden doen, ende Iudam in sonden verleyden.

36

Ende nv om dese dingen seyt de HERE der heyrscaren die God van Israel, tot deser stat, daer ghi af segt, datsi in des conincs van Babilonien hant geleuert sal worden, metten swaerde ende met hongher, ende met pestilencie

37

Siet ic salse van allen landen vergaderen, daer icse toe wt geworpen hebbe in mijnder gramscap ende in minen toorn, ende in mijnder groter onwaerdicheyt, ende ic salse weder brengen tot dese plaetse, ende ic salse betrouwelijck doen woonen,

38

ende ic sal hen een God zijn, Ga naar margenoot+ ende si sullen mi een volc zijn,

39

Ende ic sal hen een herte geuen, ende eenen wech, dat si mi ontsien sullen, alle haer dagen, ende dat hen wel si, ende haeren kinderen na hen.

40

Ende ic sal met hen een eewich verbont maken, Ende ic sal hen luyden niet laten wel te doen, ende ic sal in haer herten mijn vreese geuen, dat si niet wech en sullen gaen, van mi,

41

ende ic sal op hen verbliden, als ic hen wel gedaen heb, ende ic salse in desen lande planten Ga naar margenoot* in waerheden in alle mijnder) herten, ende in alle mijnder sielen.

42

Want dit seyt die HERE, Gelijc ic op dit volc ghebrocht heb alle dit grote quaet, also sal ic op hen brenghen al dit goet dat ic tot hen spreke,

43

Ende die ackers sullen beseten worden in desen lande, daer ghy af segt, dattet verlaten ende woest is, om datter noch mensce, noch beest gebleuen en is, maer inder hant der caldeeusscher gegeuen.

44

Die ackers salmen met gelde coopen, ende Ga naar margenoot* in eenen boec scriuen) ende den zegel daer aen gheprent worden, ende men sal getuygen daer ouer nemen, in Beniamins [kolom] lant, ende rontsomme Ierusalem, ende inden steden van Iuda, ende inden steden der berghen, ende der slechter landen, ende inden steden die ten zuyden zijn, Want ic sal haer geuanckenisse omkeeren, seyt die HERE.

§ Hoe Iuda ende Ierusalem bekeert souden worden, Van die bekeringhe ende van die blijscap, Ende hoe die cudden noch getelt souden worden, Ende hoe dat Christus geboren soude worden, ende van sinen rijcke.

margenoot+
A

margenoot+
B

margenoot*
th. coopt
margenoot+
C
margenoot*
th. coopen.

margenoot*
the. sickels.

margenoot*
th. brief.

margenoot*
theb. coopbrief tgewesen ende statuyt met de copie

margenoot*
theb. coopbrief
margenoot*
theb. coopbrief

margenoot*
theb. desen coopbrief den beseghelden metter copie

margenoot*
th. coopen.

margenoot+
D

margenoot*
thebr. Ach heerscappende Heere Godt
margenoot*
thebr. Alle dinck is v mogelijc.

margenoot+
E

margenoot*
the. yet onmoghelick zijn

margenoot+
F

margenoot*
th. afgrouwelicheit

margenoot+
G

margenoot*
h. trouwelic van gantser

margenoot*
h. bebrieuen

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken