Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
De Vorsterman Bijbel (ca. 1528-1531)

Informatie terzijde

  • Verantwoording
  • Inhoudsopgave

Downloads

XML (13.01 MB)

tekstbestand






Genre

proza

Subgenre

bijbel / bijbeltekst(en)


© zie Auteursrecht en gebruiksvoorwaarden.

De Vorsterman Bijbel

(ca. 1528-1531)–Anoniem Vorsterman Bijbel–rechtenstatus Auteursrechtvrij

Vorige Volgende

§ Dat .xvi. Capittel.

1

Ga naar margenoot+ENde des HEREN woort geschiede tot mi, seggende,

2

Des menschen sone maect Hierusalem condt haer afgrijselicheden,

3

ende ghi sult segghen. Dit seyt die Ga naar margenoot+ HERE God) tot Hierusalem, v wortel ende v gheslachte is vanden lande van Canaan, v vader was een Ammorrijt, ende v moeder een Ga naar margenoot+ Cethea)

4

Ende doen ghi gheboren waert, inden dage uwer geboorten, so en was uwen nauel nyet afghesneden, ende ghi en waert niet in twater gewasschen tot salicheden, noch met Ga naar margenoot+ soute gesouten) noch in doecken gewonden.

5

Mijn ooghe en heeft op v niet ghespaert, dat ick v een van desen dinghen doen soude uwer ontfermende, maer ghy zijt gheworpen op dat aensicht der aerden, in verworpentheden uwer sielen, inden daghe daer ghy in geboren waert.

6

Ende ick gaende ouer v sach dat ghi vertreden wert in uwen bloede, Ende ick seyde tot v, als ghi waert in uwen bloede, Leuet, Ic seyde v sekerlijc in uwen bloede, Leeft.

7

Ic gaf v vermenichfuldicht, als dat bloeysel vanden velde, ende ghy zijt vermenichfuldicht, ende ghi zijt groot gheworden, ende ghi zijt inghegaen, ende ghi zijt ghecomen totten vrouwelijcken ouder ende suyuerheyt. V borsten wiessen, ende v hayr wies, ende ghi waert naect, ende vol van bescaemtheden.

8

Ende ick ghinck neuen v, ende ick sach v, ende siet uwen tijt [kolom] was tijt Ga naar margenoot* der ghenen die lief hebben).

Ende ic spreyde mijn cleedt op v, ende bedecte v scamelheyt. Ende ic swoer v, ende ic maecte met v een verbont, seyt die Ga naar margenoot* HERE God) Ende ghi zijt mijn eygen geworden,

9

ende ic wiesch v met water, ende ick suyuerde v bloet van v.

Ga naar margenoot+ Ende ic besalfde v met olyen,

10

ende ic cleede v met veel verwigen cleederen, ende ic scoeyde v met gheel side als goubloemen, ende ick gorde v met side, ende ic cleede v met subtijle cleederen,

11

ende ic vercierde v met vercieringe. Ende ic gaf ringen in uwen handen, ende eenen halsbant om uwen hals,

12

ende ic ghaf eenen oorrinck op uwen Ga naar margenoot* mont) ende ringen in v ooren, ende een croone der schoonheyt op v hooft.

13

Ende ghy waert verciert met goude ende met siluer, ende gecleedt met side, ende met gebarduerde cleederen ende met veel verwen. Ghi aet bloeme ende honich, ende olye, ende ghi waert bouen maten seer schoon ghemaect. Ende ghi hadt voorspoet inden rijcke,

14

ende uwen naem ghinc wt onder die Heydens om v schoonheyt, wandt ghy volmaect waert in v schoonheyt, die ic op v gheleyt had, seyt die Ga naar margenoot* HERE God)

15

Ende ghy betrouwen hebbende in v schoonheyt, so dedy oncuysheyt op uwen naem, ende ghy leyt uwe oncuysheyt wt, voor elck die bi v ghinc, dat ghi zijn worden sout.

16

Ende nemende van minen cleederen maectet ghi voor v dye hoochten aen allen siden te gader ghenaeyt, ende daer op hebdy onsuyuerheyt gedaen, ghelijc noyt en geschiede, noch geschieden en sal.

17

Ende ghy naemt die vaten uwer schoonheyt van mijnen goude, ende van minen siluere die ick v gaf, ende ghi maectet v manlijcke beelden, ende daer mede dedet ghi onsuyuerheyt.

18

Ga naar margenoot+Ende ghi naemt uwe cleederen van veel verwen, ende ghi hebtse daer mede bedect. Ende mijn olie ende mijn ruecwerc, settet ghi voor haer aensicht,

19

Ende mijn broot dat ick v gaf, die bloeme, ende dye olye, ende dat honich, daer ick v mede gheuoet heb, settet ghi in haer aenschouwen, tot ruecke van soeticheden. Ende het is geschiet, seyt die Ga naar margenoot* HERE God)

20

dat ghy naemt uwe sonen ende uwe dochteren die ghi mi gebaert hebt, ende ghy offerdet die om te verslinden, En is v dye oncuysheyt niet cleyn?

21

die mijn kinderen gheoffert hebt, Ende ghi gaeftse den afgoden hen wijdende?

22

Ende nae al uwe onmenschelicheden ende oncuysheyt, so en gedacht ghi niet der daghen uwer ionckheyt, als ghy naeckt waert, ende vol schanden, vertreden in uwen bloede,

23

ende tgeuiel na al v boosheyt, wee wee wee v seyt die HEERE God.

24

Ende ghi hebt voor v ghemaect een bordeel, ende ghy maecte v dat

[pagina Q6v]
[p. Q6v]

bordeel in allen straten.

25

Tot elcken hoecke vanden weghe hebdy ghetimmert een teeken van uwer hoerlijcker ghemeynschapen, ende ghi maect v schoonheyt, afgrijselijc.

Ende ghi hebt Ga naar margenoot* gedeelt v voeten) elcken die voor bi v ghinck, ende ghi hebt vermenichfuldicht al uwe oncuysheden.

26

Ende ghi dedet onsuyuerheyt metten kinderen van Egypten, uwen ghebueren, van grooten vleesche, Ende ghi vermenichfuldichdet uwe oncuysheden om my te verwecken tot gramschappen.

27

Ga naar margenoot+Siet ick sal mijn hant wt steken op v ende ic sal uwe Ga naar margenoot* gherechtigheyt) van v wech nemen. Ende ic sal v geuen in die sielen der ghenen dye v haten der dochteren sielen vanden Palestinen, dye hen schamen in uwen misdadighen wech,

28

Ende ghi hebt oncuysheyt gedaen metten sonen van Assyrien, Ga naar margenoot* om dat ghy noch niet versaet en waert. Ende na dien dat ghi onsuyuerheyt ghedaen hebt, so en sidy oock niet alsoo versaet)

29

ende ghy hebt vermenichfuldicht v oncuysheyt int lant van Canaan, metten Caldeen, ende ghi en wert also ooc niet versaet

30

Ga naar margenoot* Waerin sal ick v herte suyueren, seyt die HEERE God) als ghy alle dese dinghen doet, eens lichts wijfs werc ende onschamele?

31

Want ghy hebt bordeel gemaect inden hoec van allen weghen, ende uwe hoochte hebdi ghemaect in elcke strate, ende ghi en zijt niet gheworden als een ander gemeyn wijf, die met verdriet haeren loon vermeerdert,

32

maer als een wijf een ouerspeeldersse die bouen haeren man vremde mannen in haelt.

33

Allen gemeynen vrouwen geeftmen Ga naar margenoot* haeren loon) mer ghi gaeft Ga naar margenoot* loon) allen uwen liefhebbers, ende ghy gaeft hen gauen, om dat si van alle siden tot v comen souden, om met v oncuysheyt te doen.

34

Ende in v is gheschiet tegen die ghewoonte vanden vrouwen in uwe oncuysheden Ga naar margenoot* ende nae v en sal die onsuyuerheyt niet zijn), Om dat ghi loon gaeft, ende gheenen loon en ontfinct, so is in v contrarie geschiet.

35

Hierom ghemeyn wijf, hoort des HEREN woort,

36

Dit seyt dye HEERE God, Om dat v gelt wt gestort is ende om dat uwe schande ontdect is in uwe oncuysheyt op uwe liefhebbers, ende op dye afgoden van uwe afgrijselicheden, in uwer kinder bloet, die ghi hen gegeuen hebt,

37

siet, soo sal ic v ooc al uwe liefhebbers vergaderen, daer ghi mede ghemengt zijt, ende al dye ghene dye ghi lief hebt, met al die ghi haet, Ende ic salse van allen zijden, op v vergaderen, ende ick sal uwe schande ontdecken voor hen, Ga naar margenoot+ Ende si sullen al v vuylicheyt sien,

38

ende ick sal v oordeelen metten ouerspeelderssen oordeel, ende dye [kolom] dat bloet wtstorten.

39

Ende ic sal v Ga naar margenoot* geuen inden bloede van gramscapen ende van tooren) ende ic sal v gheuen in haeren handen. Ende si sullen v Ga naar margenoot* hoerhuys) breken, ende si sullen v ghemeyn huys verderuen. Ende si sullen v van uwen cleederen ontcleeden, ende si sullen wechdragen die Ga naar margenoot* vaten uwer schoonheyt)

Ende si sullen v naect laten ende vol schanden,

40

Ende si sullen een menichte op v brenghen, dye sullen v ooc met steenen steenen, ende slaen v doot met haer swaerden.

41

Ende si sullen v huysen verbernen metten viere, ende si sullen in v oordeelen doen, in veelder vrouwen ooghen Ende ghi sult achter laten oncuysheyt te doen, ende ghi en sult niet meer loon gheuen.

42

Ende mijn gramscap sal in v rusten, ende minen toren sal van v genomen worden. Ende ic sal rusten, ende niet meer gram worden,

43

om dat ghy niet gedacht en hebt die dagen uwer ioncheit ende ghi hebt mi in allen desen tot gramscappen verwect. Ende hierom so heb ic v weghen gegeuen op v hooft, seyt die Ga naar margenoot* HERE God) ende ic en dede v niet na uwe misdaden in alle uwe afgrijselicheden,

44

Siet, elc die int ghemeynen seyt een segwoort, dye salt teghen v aennemen, ende seggen, Also dye moeder is, also is ooc haer dochter,

45

Ghi zijt uwer moeder dochter, die haeren man verwerp, ende haer kinderen, ende ghi zijt uwer susteren suster, die haer mannen verworpen, Ga naar margenoot+ ende haer kinderen V moeder is een Ga naar margenoot* Cetha) ende v vader een Amorreus.

46

Ende v meeste suster is Samarien, si ende haer dochteren, die tot uwer slincker siden woonen. Ende v suster die minder is dan ghi, die tot uwer rechter zijden woont, dat is Sodoma, ende haer dochteren.

47

Maer ooc so en hebdy niet gewandelt in haer wegen, noch en hebt niet ghedaen nae haeren sonden. Niet veel min soo hebdy quader sonden ghedaen, dan si, in alle uwe weghen.

48

Ga naar margenoot* Ick leue seyt dye HEERE God) want Sodoma v suster si ende haer dochteren en hebben nyet ghedaen, alsoo als ghy ghedaen hebt, ghy ende v dochteren.

49

Siet, dit was Sodoma uwer susters Ga naar margenoot* boosheyt) hoouaerdicheyt, ende die versaetheyt van broode, ende oueruloedicheyt, ende haer ledicheyt, ende haerder dochteren, Ende si en staken haer hant niet voort den behoeftighen, ende den armen menschen,

50

ende si zijn verheuen, ende deden afgrijselicheden voor my, ende ic namse wech, alsoo als ghy ghesien hebt. Ga naar margenoot+

51

Ende Samarien en sondichde nyet die helfte van uwen sonden, maer ghy hebt dye verwonnen met uwen sonden, ende ghi hebt v susteren gerech-

[pagina Q7r]
[p. Q7r]

tich ghemaect in alle uwe afgrijselicheden, die ghi gedaen hebt.

52

Hieromme so draghet oock uwe schande, die met uwe sonden uwe susteren verwonnen hebt, misdadiger sonden doende, dan si, Want si zijn rechuaerdich, bi v te gheliken, Hieromme schamet v oock, ende draecht uwe schande, die uwe susteren rechtuaerdich gemaect heeft.

53

Ende ic sal bekeeren ende settense weder, met die bekeeringhe die van Sodoma met haeren dochteren ende die bekeeringhe van Samarien ende haer dochteren, Ende ic sal keeren uwe bekeeringe int midden van hen,

54

om dat ghi uwe scande draghen sult, ende dat ghi v schamen sult in alle uwe sonden, die ghi ghedaen hebt, uwe susteren vertroostende.

55

Ga naar margenoot+Ende uwe Suster Sodoma ende haer dochteren sullen weder keeren Ga naar margenoot* tot haer outheit) ende Samarien ende haer dochteren sullen weder keeren Ga naar margenoot* tot haer outheyt) Ende ghi ende uwe dochteren keertweder Ga naar margenoot* tot uwer outheyt)

56

Want Sodoma uwe suster en was niet gehoort in uwen mont, inden dage uwer hoouaerdicheit,

57

eer uwe boosheit wert ontdect, alsoot in desen tijt is, int lachtere der dochteren van Sirien, ende al rontsom v der dochteren vanden Palestinen die al omme v wandelen.

58

Ghi hebt ghedragen uwe sonde, ende uwe schande, seyt die Ga naar margenoot* HEERE God.)

59

Want dit seyt die Ga naar margenoot* HERE God,) Ende ick sal v doen, also ghi versmaet hebt den eedt dat ghi tverbont te niet doen sout,

60

Ende ic sal mijns verbonts, dat ic met v opgerecht hebbe in uwer ioncheit, gedencken, ☞ Ende ic sal v een eewich verbont verwecken,

61

Ende ghi sult uwer wegen ooc gedencken, ende ghi sult bescaemt worden, Als ghi ontfanghen hebt uwe susteren, die meerder zijn, dan ghi met uwen minsten, ☞ Ende ic salse v geuen tot dochteren, maer niet wt uwen verbonde.

62

Ende ic sal also met v mijn verbont verwecken, ende ghi sult weten dat ick die HEERE ben,

63

om dat ghi sult gedencken, ende beschaemt worden, ende op dat ghi, om uwe schaemten uwen mont nietmeer en sult moghen open doen, als ic met v versoent sal zijn, in alle die sonden die ghi ghedaen hebt, seyt die Ga naar margenoot* HEERE God.)

§ Hoe Ioachim in Babilonien gheuanghen was, Ende zedechias ende Ierusalem in Nabuchodonosors hant geleuert werden, Ende die prophecie van Christo.

margenoot+
A

margenoot+
th. heerscapende here.
margenoot+
th. Hethite

margenoot+
h. soute gewreuen

margenoot*
h. datmen v lief crigen soude
margenoot*
th. heerscapende here.

margenoot+
B

margenoot*
theb. naese

margenoot*
h. heerschapende heere

margenoot+
C

margenoot*
thebreeus heerscapende Heere

margenoot*
h. uwe beenen open ghedaen

margenoot+
D
margenoot*
th. zeden

margenoot*
h die v niet vernuecht en hebben ende ghy hebt met hen ghehoereert sonder uwe vernueghen

margenoot*
theb. Och hoe swack is uwe herte gheworden seyt die heerschappende heere

margenoot*
h slaepgelt
margenoot*
h slaepgelt

margenoot*
h. dat v niemant na geloopen en heeft.

margenoot+
E

margenoot*
the. also v bloet wt gramscap ende toorne storten.
margenoot*
the. berchtempelen
margenoot*
th. velttempelen

margenoot*
th. heerscapende heer.

margenoot+
F
margenoot*
th. Hethite

margenoot*
h. so waer als ic leue seyt dye heerscapende Heere

margenoot*
h. misdaet

margenoot+
gene. lxix f

margenoot+
G
margenoot*
thebr. so si voirmaels was.
margenoot*
h. so si voormaels waren
margenoot*
th. soo ghi voirmaels waert,

margenoot*
h. heerscappende here

margenoot*
h. heerscappende here

margenoot*
h. heerscappende Hee

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken