De Vorsterman Bijbel

[p. V5r]

§ Hier beghint die Propheet Iohel.

§ Die Propheet Iohel propheteert teghen dat Iootsche lant, Ende hi wect die slapende, dat si dat toecomende quaet sien souden, Ende die priesters dat zijt beweenen souden, ende hi beweent die verwoestinge zijns lants.

§ Dat eerste Capittel.

1

⁺DAt woort des HEEREN dat tot Ioel den sone Phatuel geschiet is,

+ A

2

Ghi oude hoort dese dinghen, ende alle die daer inder aerden woont, aenhooret met uwen ooren, Ofte dit in uwen daghen, ofte in uwer vaderen daghen gheschiet is,

3

Vertelt dit uwen kinderen, soo sullent uwe kinderen haeren kinderen, ende daer nae haer kinderen sullent den ^* anderen gheslachte) vertellen.

* th. nacomelingen

4

Dat den ^* rupsenen) ouer ghebleuen is, dat hebben dye sprinchanen gheten, ⁺ ende dat den sprinchanen ouerbleuen is, heeft die groote sprinchaen geten, ende dat den ^* grooten sprinchaen) ouer bleuen is, dat heeft die ^* roest) gheten,

* the. cruytwormen

+ B

* h. kappers

* the. rupsen

5

O ghi dronckene, ontwaect, weent, ende huylt, alle die den wijn in soecticheyt drinct, want van uwen monde is hy ^*verghaen,)

* the. afghesneden.

6

Want een sterck ende een ontallijc volc ^* sal op mijn lant opclimmen,) Sijne tanden zijn als tanden der leeuwen, ende zijn achterste tanden ^* als eens ionghen leeus,)

* th. is opgeclommen

* th. gelijc een leeu heeft

7

Het heeft minen wijngaert tot een woestijne gheset, ende het heeft mijnen vijchboom, die schorsen af ghenomen, Ende heeft hem bloot gemaect berooft, ende verworpen, ende zijn telgheren zijn widt geworden.

8

⁺Schreyt als een maecht, die gegort is met eenen sack, op den man haerder ioncheyt

+ C

9

^* Dat offeren, ende die offerhande zijn verghaen) vanden huyse des HEREN die priesteren, die dienaers des HEEREN, hebben gheweent, ⁺

* th. die spijsoffer, ende drancoffer is wech genomen

+ Danie. ix

10

Dat landt is woest ghemaect, ende die aerde heeft gheweent, want die tarwe bedoruen is, Dye ^* wijn is bescaemt ende die olie is cranck geworden)

* the. most is te scanden worden ende die olie gheheel verdorret.

11

Die ackerluyden zijn beschaemt, die wijngaerdeniers hebben ghehuylt, op dye tarwe ^* den wijne,) ende op die gheerste, want den oost des ackers is verghaen,

* Ten is niet int heb

12

Die wijnghaert is verstoort, ende den vijchboom is ^* cranck gheworden,) Die granaet appel, die palmboom, die appelboom ende alle boomen des ackers zijn dorre geworden, Want die blijscap verstoort is vanden sonen der menschen,

* th. gheheel verdoruen.

13

Ghi priesteren gort v, ende weent, Huylet, ghy dienaers des outaers, Ghi dienaers mijns Godts gaet in ende ^* rust in eenen sack, Want dat offeren ende die offerande zijn vanden huyse ws Gods vergaen,)

* th. rust des nachts in sacken, want spijsoffer ende drancoffer is wech genomen

14

Maect een vasten heylich, roept dye [kolom] vergaderinge, vergadert dye ouders, ende al die inwoonders des lants totten huyse ^* ws Gods) ende roept totten HERE,

* th. des heren ws Gods. Mat. xxiij.

15

Ach, ach, ach, van dien dach, ⁺ want den dach des HEREN is na bi, ende hi sal comen als een verwoestinge ^* eens machtighen.

+ D

* the. des almachtigen Sekerlijck sal voor onsen ooghen die spijse afghesneden worden

16

En zijn die spijsen niet vergaen voor uwen oogen) blijscap ende vrolicheyt, vanden huyse ^* ws Godts?)

* th. ons gods Dye vaten zijn onder de kimmen beschimmelt geworden. § Die sommige lesen tzaet is onder die aerde te nyete geworden.

17

Die beesten zijn in haeren drec verrot) Die schueren zijn afghebroken, ende die corenkisten zijn verstroeyt, want dye tarwe is beschaemt,

18

Waerom so heeft dat vee versucht, Ende waerom hebben die cudden der runderen ^* gebleet) Om dat si gheen weyde en hebben, Maer oock, so zijn die schapen der cudden vergaen,

* h gedwaelt

19

HEERE, tot v sal ic roepen, want dat vier heeft die schoonheyt der woestijnen verteert Ende die vlamme heeft alle die boomen des lants ontsteken.

20

Mer die ^* beesten des ackers hebben ooc op gesien tot v, gelijc als drooge aerde, die reghen begheert) Want die ^* fonteynen der wateren) zijn verdroocht, ende tvier heeft die scoonheyt der woestijnen verslonden

* h. wilde dieren sullen ooc tot v huenen

* theb. waterbeken

§ God gebiet metten geluyde des trompets, die toecoemst der vianden te vercondigen, ende der seluer vianden wreetheyt, ende tot berouwe verwect hyse, ende den seluen belouet hi veel goets, Ende van dye seyndinge des heyligen geests, ende vanden tijt des lijdens.