De Vorsterman Bijbel

§ Dat .x. Capittel.

1

BEgheert regen vanden HERE inden auontstont, ende die HERE sal ^* stofreghen, ende sneu) maken, ende hi sal hen elcken bisondere, cruyt inden acker geuen,

* th. reghen wolcken

2

⁺Want die afgoden, hebben onprofitelijc gesproken, ende die waerseggers hebben luegentael gesien, ende die droomers hebben te vergheefs gesproken, ende troosten ydelijken, Daerom zijn si af geleit, als een cudde Si sullen gepijnt worden, want si en hebben

+ A

[p. Y2r]

gheenen herder.

3

Mijn gramschap is toornich op die herderen, ende ic sal die bocken versoecken

Want dye HEERE der heyrscharen heeft zijn cudde, dat huys van Iuda versocht, ende hi heeftse gestelt als een paert zijnder heerlicheyt, inden strijt.

4

^* Wt hem is den hoec, wt hem is den steel der schuppen, ende wt hem is den boge des strijts, ende wt hem sal wtgaen alle scatter te samen)

* h. wt hen seluen sullen torrens nagels ende strijtboghen, ende alle drieuers tsamen wt gaen

5

ende si sullen zijn als starcke, tredende dat slijck der wegen inden strijdt, Ende si sullen strijden, want dye HERE is met hen, ende die rijders der paerden sullen beschaemt worden.

6

Ende ick sal dat huys van Iuda stercken ende ic sal Iosephs huys behouden, Ende ick salse bekeeren, want ic sal haerder ontfermen, ende si sullen zijn so si te voren waren doen icse niet verworpen en had, Want ick ben dye HERE haer God, ende ic salse verhooren,

7

Ende si sullen zijn als de stercke van Ephraim ende haer herte sal verbliden, als van wijn, ende haer kinderen sullent sien ende hen verhuegen, Ende haer herte sal verblijden inden HEERE,

8

Ic sal hen blasen, ende ick salse vergaderen, want ic hebse verlost.

⁺ Ende ic salse vermenichfuldigen, soo si te voren waren vermenichfuldicht,

+ C

9

ende ic salse saeyen onder den volcken, Ende van verre sullen si mijns gedencken, Ende si sullen met haeren sonen leuen, ende sullen wederkeeren,

10

Ende ick salse wederbrengen vanden lande van Egypten, ende ic salse vergaderen van Assyrien, Ende ic salse brenghen totten lande van Galaad, ende den berch Libanus ^* ende hen en sal geen plaetse geuonden worden)

* the. dat sy nau ruymte hebben en sullen

11

Ende hi sal gaen in die diepte des zees, ende slaen die vloeden inder zee, ende alle dye diepheden des riuiers sullen ^* beschaemt worden)

⁺ Ende Assurs houaerdie sal vernedert worden, ende die scepter van Egypten sal wech gaen

* th. wtdrooghen

+ D

12

Ick salse inden HERE stercken, ende si sullen in sinen naem wandelen, seyt die HEERE.

§ Die beweeninge van die verderuinge des tempels, Ende dattet volc niet gespaert en sal worden, dat welcke dye herders niet en spaerden, maer dooden.