Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
De Vorsterman Bijbel (ca. 1528-1531)

Informatie terzijde

  • Verantwoording
  • Inhoudsopgave

Downloads

XML (13.01 MB)

tekstbestand






Genre

proza

Subgenre

bijbel / bijbeltekst(en)


© zie Auteursrecht en gebruiksvoorwaarden.

De Vorsterman Bijbel

(ca. 1528-1531)–Anoniem Vorsterman Bijbel–rechtenstatus Auteursrechtvrij

Vorige Volgende

§ Dat .x. Capittel.

1

Ga naar margenoot++ ENde van daer opstaende, is gecomen in die eynden van Iudeen, ouer die Iordane, ende die scharen comen weder om tot hem ende hy leerde haer weder als hy plach.

2

Ende dye pharizeen toegaende, vraechden hem Ist gheoorlooft dat een man een wijf verlaet? Ga naar margenoot+ tempterende hem. Ga naar margenoot+

3

Ende hy antwoordende heeft haer gheseyt. Wat heeft v Moses geboden?

4

Ende si hebben gheseyt. Moses ghehengde eenen scheytbrief te schriuen, ende te laten.

5

Ende Ihesus antwoordende, heeft haer gheseyt. Om dye haertheyt uwer herten, heeft hy v dit ghebodt gheschreuen.

6

Maer van tbeghinsel des scheppincs, heeft haer god man ende vrou ghemaect.

7

Daer om sal een mensche zijn vader ende moeder laten, ende sal zijn wijf aenhanghen.

8

Ende si sullen twee in een vleesch wesen. Daer om en zijnt nv gheen twee, mer een vleesch.

9

Daer om laet dye mensche niet scheyden dat god te samen gheuoecht heeft. *

10

Ga naar margenoot+Ende in huys hebben zijn discipulen weder om van dat selfde gheuraecht,

11

ende hy seyt haer. Ga naar margenoot+ So wie zijn wijf verlaet, ende een ander trout, die doet ouerspel teghen haer.

12

Ende ist dat een wijf haren man laet ende een ander trout, si doet ouerspel.

13

Ende si hebben kinderen tot hem gebrocht om dat hijse raken soude. Ende die discipulen straften die ghene die de kinderen by brochten. Ga naar margenoot+

14

Ende als Iesus ghesien hadde, is hy veronwaerdicht, ende heeft haer gheseyt. Laet toe dat dye kinderen tot my comen, ende en verbiedet haer niet, want alsodanigen hoortet rijck gods.

15

Voorwaer seg ick v, diet rijck gods niet en ontfanct als een kint, die en sal daer gheensins ingaen.

16

Ende als hi haer in die armen ghenomen, ende die handen op haer gheleyt hadde, so heeft hi haer ghebenedijt

17

Ende als hi wt ghinck inden wech, is hem een te ghemoet gheloopen, ende heeft hem zijn knijen ghebogen, ende badt hem, segghende. Goede mester, wat sal ick doen, dat ick dat eewige leuen crighen mach?

18

Ende Iesus heeft hem geseyt. Ga naar margenoot+ Waer om noemt ghy my goet? nyemant en is goet dan een god.

19

Ghy kent dye gheboden. En doet gheen ouerspeel, en [kolom] slaet niet doot, en steelt nyet, Ga naar margenoot+ en segt gheen valsche ghetuych, en bedriecht niet, eert vader ende moeder.

20

Ende antwoordende heeft hem gheseit. Meester alle dese hebbe ic van mijn ioncheyt gehouden.

21

Ende Iesus hem aenghesien hebbende, heeft hem lief gehadt, ende heeft hem geseyt. Een ontbreect v. Gaet henen vercoopt al tgheen dat ghi hebt, ende gheuet den armen, ende ghy sult eenen schat inden hemel hebben, ende coemt volcht mi

22

Ende hy droeuich werdende in dyt woort, is droeuich wech gegaen. Want hi hadde veel besittinghen.

23

Ende Iesus ront om siende, seyt zijn discipulen. Hoe swaerliken sullen die ghene dye ghelt hebben, int rijck gods gaen.

24

Die discipulen verwonderden van zijn woorden. Ende Ihesus weder om antwoordende, seyt haer. Kinderkens, hoe swaer ist haer, die betrouwen hebben int ghelt, trijck gods in te gaen

25

Lichtelijcker ist een kemel door een naelden ooch te gaen, dan den rijcken int rijck gods te ghaen.

26

Ga naar margenoot+Welcke meer verwonderden, segghende onder malcander. Wie mach dan salich worden?

27

Ende Iesus hem aenghesien hebbende, seyt. By den menschen ist onmoghelick, niet by God. Want alle dingen zijn moghelick by God.

28

Ende na dat, Petrus heeft beghinnen te seggen hem. Ga naar margenoot+ Siet wi hebben alle dinck ghelaten, ende zijn v gheuolcht.

29

Ende Iesus antwoordende, heeft geseyt. Ick seg v voorwaer Nyemant en isser dye achter laet een huys, oft broeders, oft susters, oft vader, oft moeder, oft wijf, oft kinderen, oft ackeren, om mi ende om Deuangelie,

30

die niet en sal ontfangen in dese tijd hondertfout, huysen, broeders ende susters, ende moeders, ende kinderen, ende ackers met veruolghinge, ende in die toecomende tijt, deewighe leuen.

31

Veel dye de eerste zijn, sullen die laetste zijn, Ga naar margenoot+ ende die laetste dye eerste.

32

Ga naar margenoot+Ende si waren inden wech tot Hierusalem opclimmende, ende Iesus ghinc haer voor, ende si waren veruaert, ende volgende vreesden si.

Ende weder om die twalef tot hem genomen hebbende, Ga naar margenoot+ heeft haer beghinnen te seggen, dat hem toecomen soude.

33

Siet wi climmen op tot Hierusalem, ende die soon des menschen sal den princen der pristeren ende scriben, ende ouders gheleuert worden, ende si sullen hem veroordeelen totter doot, ende sullen hem den heydenen ouer leueren,

34

ende sullen hem bespotten, ende sullen hem gheesselen, ende si sullen in hem spouwen,

[pagina D6r]
[p. D6r]

ende sullen hem dooden, ende ten derden dach sal hy verrisen.

35

Ende daer comen tot hem Iacobus ende Ioannes Zebedeus sonen, Ga naar margenoot+ seggende. Meester, wi willen dat ghi ons doet, so wat wi begheren sullen.

36

Ende hy heeft haer geseyt. Wat wilt ghi dat ick v doe?

37

Ende si hebben gheseyt. Gheeft ons dat wy sitten in v glorie, dye een aen v rechter handt, ende dye ander aen v slincker hant.

38

Ende Iesus heeft haer gheseyt. Ghy en weet nyet wat ghi begeert Moghet ghy den kelc drincken die ick drincke? ende met den doopsel ghedoopt worden daer mede ick ghedoopt worde?

39

Ga naar margenoot+Ende si hebben hem gheseyt. Wy moghent. Ende Ihesus heeft haer gheseyt. Ghy sult den kelck drincken, dien ick drinck, ende metten doopsel ghedoopt worden, daer ick mede gedoopt worde.

40

Maer aen die rechter handt, oft aen die slincker hant te sitten, en behoort mi niet v te geuen, maer dijt bereyt is.

41

Ende alst die thien gehoort hadden, Ga naar margenoot+ hebben si beghinnen te veronwaerdighen van Iacobo ende Ioanne.

42

Ende als haer Iesus tot hem gheroepen hadde, seyde hy haer, Ghy weet, dat die de heydenen schinen te ghebieden, die hebben heerschappie ouer haer, ende haer princen hebben ouer haer macht,

43

mer also en ist onder v niet. Maer so wie onder v wil worden dye meeste, dye sal v dienaer wesen.

44

Ende so wie wt v sal willen die eerste wesen die sal v alder knecht wesen.

45

Want die sone des menschen en is niet gecomen om datmen hem dienen soude, maer om dat hi selfs dienen soude, ende dat hi soude zijn siel geuen tot een verlossinghe voor veel.

46

Ga naar margenoot+Ende si comen tot Hierico. Ende als hy wt die stadt Hierico ghinc, Ga naar margenoot+ ende zijn discipulen ende een groote schare, so sadt die blinde Bartimeus Timeus soon, by den wech, biddende

47

Ende als hy gehoort had, dattet Iesus van Nazareth was, heeft hy beghonnen te roepen, ende te seggen. Dauids soon Iesu, ontfermt mijnre.

48

Ende veel straften hem, dat hi swighen soude. Ende hi riep veel te meer Dauids soon, ontfermt mijnre.

49

Ende Ihesus staende, heeft gheboden, dat hy gheroepen soude worden. Ende si roepen den blinden, segghende hem. Weest wel ghemoet, staet op, hi roept v.

50

Ende als hi sinen mantel wech gheworpen hadde, so is hy op ghestaen, ende is tot Iesum gecomen.

51

Ende Ihesus antwoordende, seyt hem. Wat wildy, dat ick v doe? ende die blinde heeft hem geseyt. Rabboni, dat ick sie.

52

Ende Iesus heeft hem ghe-[kolom]seyt. Gaet henen, v gheloof heeft v ghesont ghemaect. Ende ter stont heeft hy ghesien, ende volchde hem in die wech.

margenoot+
A

margenoot+
mat. xix.a ende .v.e.
margenoot+
Deu. xiiij a Ephe. v.g i.Cor. vi.a

margenoot+
B

margenoot+
Gene. ij.d Luce. xvi.e

margenoot+
mat. xix.b Luc. xviij e

margenoot+
mat. xix.b

margenoot+
C

margenoot+
D

margenoot+
mat. xix.d

margenoot+
Luc. xiij.d

margenoot+
E
margenoot+
Mat. xx.b Luc. xviij.f

margenoot+
Mat. xx.b

margenoot+
F

margenoot+
Mat. xx.d

margenoot+
G
margenoot+
Mat. xx.d


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken