Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
De Vorsterman Bijbel (ca. 1528-1531)

Informatie terzijde

  • Verantwoording
  • Inhoudsopgave

Downloads

XML (13.01 MB)

tekstbestand






Genre

proza

Subgenre

bijbel / bijbeltekst(en)


© zie Auteursrecht en gebruiksvoorwaarden.

De Vorsterman Bijbel

(ca. 1528-1531)–Anoniem Vorsterman Bijbel–rechtenstatus Auteursrechtvrij

Vorige Volgende

§ Dat .iiij. Capittel.

1

Ga naar margenoot+ALdus, mijn alder liefste, ende alder begheerlicste broeders, mijn bliscap ende mijn croone, staet also inden heere, mijn alderliefste.

2

Euodiam bid ick ende Synthicen bid ick, dat si dat selfde geuoelen inden heere.

3

Ick bid v oock Germane medegheselle, helpet die vrouwen die met my

[pagina L8r]
[p. L8r]

int Euangelie ghestreden hebben, te samen met clemens, ende met die ander mijn mede werckers, welcker namen zijn in dat boec des leuens.

4

Ga naar margenoot++ Verblijt v inden Heere altijt, ende weder om segghe ick, verblijt v.

5

V manierlicheyt si bekent allen menschen. Dye Heere is na by,

6

zijt van gheen dinck sorchfuldich, maer in allen bedinghen ende bidden met dancbaerheyt. Laet v begheerten bekent worden by God.

7

Ende dye vrede Gods, die te bouen gaet alle verstant, beware v herten ende v verstandenissen, in Christo Ihesu.

8

Ga naar margenoot++ Voortaen broeders, watter warachtich zijn, watter eerlick, watter rechtuaerdich, watter heylich, watter lieflick, watter van goede naem zijn, isser eenich lof der disciplinen, dat denct,

9

dat ghy dat ooc geleert hebt ende ontfangen, ende gehoort ende ghesien hebt in mi. Dyt doet, ende God des vreets sal met v wesen.

10

Ende ick ben zeere inden heere verblijt, want ghy wederom bloeyende ende groeyende zijt, van my te houden, ghelijc ghy te voren gehouden hadt, maer ghy waert becommert.

11

Niet dat ick van gebrecs wegen spreke, want in dat ghene daer ick in ben, heb ick gheleert te vreden te wesen.

12

Ick can my verootmoedighen, ick can oock oueruloeden ouer al, ende in alle dinc ben ick ghestelt, versaedt te zijn ende te hongheren, oueruloedich te wesen, ende ghebreck te lijden.

13

Alle dinck vermach ic door den ghenen die my sterct.

14

Nochtans wel hebt ghi ghedaen, dat ghy mede deelachtich zijt gheworden mijnre tribulacien.

15

Ga naar margenoot+Ende ghy Philippensen, weet dat int beghinsel des Euangelijs, als ick reysde van Macedonien, gheen kercke en deelde my mede, in maniere van gheuen ende ontfanghen, dan ghy alleene.

16

Want als ic ooc in Tessalonia was, eens ende anderwerf hebt ghy mi ghesonden, dat my van noode was.

17

Niet dat ic dye ghaue begheere, maer ick soecke die vrucht oueruloedich wordende van uwen weghen.

18

Nochtans so heb ick dat al ontfanghen, ende ick hebt oueruloedich, ick ben veruult, na dat ic ontfinc van Epaphrodito, dat van v ghesonden was, in een roke des welrieckentheyts, een aenghenaem offerhande, ende behaghelick God.

19

Ende minen God dye veruulle alle v begheerte, na zijn rijcdom met glorie, in Christo Iesu.

20

God ende onsen vader, si glorie inder eewicheyt, Amen.

21

Groet alle hey-[kolom]lich in Christo Iesu. Dye broeders dye met my zijn, groeten v,

22

alle heylighen groeten v, ende aldermeest die vant Keysers huys zijn.

23

Die gracie ons heeren Ihesu Christi, si met uwen gheest. Amen.

§ Gheschreuen te Roome in die gheuangenissen, ghesonden totten Philippensen, met Epaphrodito.

§ Hier na volcht die Epistel die Sinte Pauwels ghesonden heeft tot die van Collossis.

margenoot+
A

margenoot+
B

margenoot+
C

margenoot+
D


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken