Singhende klucht van droncke Goosen
(1639)–Jan van Arp–
AuteursrechtvrijSinghen op de Wijs: Van d'Engelsche Fa, La, La.
Waerdt.
DE Duyvel mach de Duyvel halen, hu, hu, hu.
Goosen.
Hy sou mijn kop an stucken malen, hu, hu,
Wat raedt soo ginck mijn dan weer an, fa, la, la
Maer wat soo binje voor een Man, fa, la, la.
Waerdt.
2 De liefste van Plutoos ghesellen, hu, hu.
Goosen.
Och 't is de Nicker uyt der Hellen, hu, hu.
| |
[Folio A4r]
| |
Waerdin.
En ick ben selfs de Duyvels Moer, fa, la, la.
Goosen.
Wat doeje hier jou ouwe Hoer? fa, la, la.
Waerdt.
3 Wy komen hier om jouwent wille, hu, hu.
Goosen.
Och hoe dat mijn leden trille, hu, hu,
Ick bin soo bangh ick weet niet hoe, fa, la,
Dat ick mijn eyeren schier uyt broe, fa, la, la.
Waerdt.
4 Voort je moet met ons gaen heenen, hu, hu,
Of ick neemje by de beenen, hu, hu.
Goosen.
Och broer ick bidt toch laet mijn gaen, fa, la.
Waerdt.
Voort hier langh ghenoegh ghestaen, fa, la, la.
|
|