Hoe ende wanneer grave Dirck oflivich wordt.
Dat XXI capittel.
Ende als dese graef Dirck een seer out man gheworden was, ende sijn landen mit groter eren vromelijcken teghen den Denen ende andere vianden hadde bescermt ende uut sine landen gekeert, is hij sieck gheworden ende gestorven opten VI dach van meye int jaer Ons Heren IX C ende LXXXVIII, als hi die graefscappen ende sine landen doechtdelic ende vromelic hadde geregeert LXXXV jaer, ende wert mit groter eren ende triumphen van alle sine heeren, edelen ende andere ondersaten ghebrocht tot Egmondt, int cloester, ende werdt bi sinen wive begraven onder enen sarcke, an die noertside van tchoer, dye weinich tijts daer te voren, opten XI dach van aprille, ghestorven was.
Auteursrechtelijk beschermd