Die cronycke van Hollandt, Zeelandt ende Vrieslant, met die cronike der biscoppen van Uutrecht (Divisiekroniek)

Van Baldewijn van Hollandt, dye XVII biscop van Uutrecht.
Dat VI capittel⁹³.

Baldewijn, een glorioes ende eerlic man, geboren van Hollant, worde na biscops Volcmaers doet gecoren die XVII biscop van Uutrecht. Hi was een man van groter religie ende doechden, hoech van geboerten; want grave Arnout, die XII grave van Cleve, was sijn oem van sijnder moeder wegen, ende biscop Baldrijck van Uutrecht voerseit was sijn outoem. Ende na veel doechden starf hi int jaer Ons Heren IX C ende XCIIII, als hi dat bisdom hadde berecht IIII jaer, ende wert mit groter eren in die Domkercke begraven bi sinen voervaders.

93 captitel AB.