Die cronycke van Hollandt, Zeelandt ende Vrieslant, met die cronike der biscoppen van Uutrecht (Divisiekroniek)

Van grave Florijs, deerste van dier name, ende die VI grave van Hollant, Zelant ende heer van Vrieslant.
Dat II capittel.

Florijs deerste was grave

[p. 123v]

van Oest-Vrieslant; ende dese grave Dircs broeder worde na sijn broeders doot van al den edelen baroenen ende heren van Hollant ende Zeelant gemaect die VI grave van Hollant, Zeelant ende oec here van Oest-Vrieslant. Hi hadde te wive des hertogen Heymans dochter van Sassen, geheten Geertruyt; ende was keyser Henrixs broeder van Romen die III. Daer hi bi wan Dirc, die na hem grave was; Aelbrecht, Florijs ende Pieter, canonicken der kercken van Ludick; ende een scone dochter geheten Machtelt, die na haer vaders doot te man gegeven wert coninc Phillips van Vrancrijc den eersten van dyer name.