Die cronycke van Hollandt, Zeelandt ende Vrieslant, met die cronike der biscoppen van Uutrecht (Divisiekroniek)

Van grave Dirc die V van dier naem ende die VII grave van Hollant, Zeelant ende heer van Vrieslant.
Dat III capittel.

Dirc van dier namen die V graef, Florijs' soen, heeft mit hulpe sijns voechts Robbrecht die Vriese ende meer andere zijnre vrienden na den doot hertoge Goverts van Lottringen hem starc gemaect, om weder te recupereren ende te vercrigen zijn vaderlicke erve die graefscap van Hollant, Zeelant ende Vrieslant, dair hi aldus lange mit sijn moeder ende stiefvader uut verdreven hadde gheweest.