Van Dirck die VI van dier name, die IX grave van Hollant.
Dat II capittel.
Dirck die VI van dier name, grave Florijs outste zoen, wert na sijns vaders doot die IX grave van Hollant, Zeelant ende heer van Vrieslant. Hij nam tot enen wive Zophie, Otten dochter van Rijmeggen, palensgrave opten Rijn, dair hi bi wan Florijs, die na hem grave wert; Otte, grave van Benthem; Baldewijn, biscop van Uutrecht; Dirck, domproest, oec na biscop van Uutrecht; Pelgrijm, burchgrave; Zophie, abdisse in Fontanelle; Hadewy, nonne; ende Petronelle, een schone joncfrouwe. Ende hi hadde noch een bastaertzoen ghenoemt Robbrecht.
Auteursrechtelijk beschermd