Die cronycke van Hollandt, Zeelandt ende Vrieslant, met die cronike der biscoppen van Uutrecht (Divisiekroniek)

Hoe dat keyser Lotharius dese grave gaf dye graefscappe van Oestbergen ende Westbergen.
Dat IIII capittel.

Andries, des graven zoen van Cuyck, wert biscop van Uutrecht; als die eerwairdige here Godebalt, biscop van Uutrecht mit siecten bevangen worde, ghinc int cloester tot Oestbroeck, ende nam daer an die heylige religie ende strenge oerden van Sinte Benedictus. Ende wert aldair oflivich int jaer Ons Heren M C ende XXVIII, als hi dat bisdom mit groter eren in rusten ende vreden hadde berecht XV jaer lang, ende wert aldaer begraven int convent dat hi selver wilen eer hadde gefundeert ende gesticht. Ende als hi doot was ende begraven, vergaerden die capittelaers, ende coren weder in sijn

[p. 138v]

stede, een eerwaerdich, wijs ende edel man, genoemt heere Andries, des graven zoen van Cuyck. Hi was een eerbaer, sachtmoedich, discreet ende vreedsamich man.