Van grave Florijs die X grave van Hollant, Zeelandt, etcetera.
Dat II capittel.
Florijs die III van dier name, grave Dircxs' voerseit outste zoen, worde nae sinen vader dye thyende grave van Hollandt, Zeelant ende heer van Vrieslant. Dese grave Florijs sende den eerwaerdighen abt van Egmont, ghenoemt Wybolt, mit enen schonen staet ende geselscap van ridderen ende edelen in Schotlant om sijnen bruyt Ade, des conincs Henricxs' dochter van Schotlandt. Dyewelcke overcomende hi ontfanghen heeft mit grooter staet ende triumphen, ende heeft se tot sinen gheechten wive ghetrout, waerby hi wan Dirck, die na hem grave wert; Willem, graef van Oest-Vrieslandt; Florijs, domproest van Uutrecht; Robbrecht, president van Kermerlant; ende IIII dochteren, als Beatris; Elisabeth; Alijt ende Margriet, graefinne van Cleve.
Auteursrechtelijk beschermd