Van Dirck dye VII van dier name, dye XI grave van Hollant.
Dat II capittel.
Dick die VII van dier name, worde nae sijns vaders doot, die tot Anthiocien gestorven was, die XI grave van Hollant, Zeelant ende heer van Vrieslant. Hi hadde tot ene wive Adelheit, des graven Dircxs dochter van Cleve, daer hi bi wan II uutgenomen scone dochteren, te weten Adelheit ende Ade. Die eerste dochter wert tot enen man gegeven joncheer Henric van Gelre; die ander dochter wert gegeven doer des moeders raet na haer vaders doot grave Lodewijc van Loen, buten wille ende consent alle der heren van Hollant, Zeelant ende Vrieslant.